www.samajalive.in
Saturday, December 6, 2025
17.1 C
Bhubaneswar

ଗାଡ଼ି ଯାଞ୍ଚ ସମୟରେ ଅଫିସରଙ୍କୁ ମାଡ଼, ନୋଟିସ କରି ଅଭିଯୁକ୍ତଙ୍କୁ ଛାଡ଼ିଦେଲା ପୁଲିସ

କଳାବାଡିଆ: ଚେକିଂ ସମୟରେ ଅଫିସରଙ୍କୁ ମାଡ଼। ଲୁହା ରଡରେ ପିଟି ଲହୁଲୁହାଣ କଲେ ଦୁର୍ବୃତ୍ତ। ଆକ୍ରମଣରେ ଆହତ ହୋଇଛନ୍ତି ବାଲେଶ୍ୱର ଇଷ୍ଟର୍ନ ଜୋନର ଡେପୁଟି ସୁପରିଣ୍ଟେଣ୍ଡେଣ୍ଟ ଅଫ ଟ୍ରାଫିକ ଯୁଧିଷ୍ଠିର ନାଏକ। କୁଳିଅଣା ଥାନା ଶୁଖୁଆପଡ଼ା ଟୋଲ ପ୍ଲାଜା ନିକଟରେ ଶନିବାର ଏହି ଘଟଣା ଘଟିଥିବାବେଳେ ପୁଲିସ ଅଭିଯୁକ୍ତମାନଙ୍କୁ ନୋଟିସ ଜାରି କରି ଛାଡ଼ି ଦେଇଛି।

ସନ୍ଧ୍ୟା ସମୟରେ ଏମଭିଆଇ ସ୍ପେଶାଲ ଡ୍ରାଇଭ ଚେକିଙ୍ଗ ସମୟରେ ଟ୍ରାଫିକ ସୁପରିଣ୍ଟେଣ୍ଡେଣ୍ଟ ଗାଡ଼ି ଅଟକାଇ ଯାଞ୍ଚ କରୁଥିଲେ। ଗାଡିର କାଗଜପତ୍ର ଯାଞ୍ଚ ପରେ ଡ୍ରିଙ୍କ ଆଣ୍ଡ ଡ୍ରାଇଭ ଟେଷ୍ଟ କରିବାକୁ ଅଧିକାରୀ ଜଣକ ଗାଡ଼ି ଚାଳକଙ୍କୁ ଯନ୍ତ୍ରରେ ଫୁଙ୍କିବାକୁ କହିବାରୁ ବଚସା ହୋଇଥିଲା। ଏହାକୁ ନେଇ ଗାଡ଼ିରେ ଥିବା ୪ ଜଣଙ୍କ ମଧ୍ୟରୁ ଜଣେ ଯୁବକ ହଠାତ ନିକଟରେ ଥିବା ପଲ୍ୟୁସନ୍ ଟେଷ୍ଟିଂ ଗାଡ଼ିରୁ ହାଇଡ୍ରାଲିକ ଲୁହା ପାଇପ ଆଣି ଯୁଧିଷ୍ଠିରଙ୍କୁ ପିଟିଥିଲେ। ତାଙ୍କ ମୁଣ୍ଡ ଏବଂ ଶରୀରର ଅନ୍ୟ ସ୍ଥାନରେ ଆଘାତ ଲାଗିଛି। ଅଭିଯୁକ୍ତ ଜଣକ ମାଡ଼ ମାରିବା ସହିତ ଅଶ୍ଳୀଳ ଭାଷାରେ ଗାଳି ଗୁଲଜ କରିଥିଲେ। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲା। ପରବର୍ତ୍ତୀ ସମୟରେ ଗାଡ଼ିରେ ଥିବା ୪ ଜଣଙ୍କୁ ପୁଲିସ ନୋଟିସ ଜାରି କରି ଛାଡ଼ି ଦେଇଥିବା ସୂଚନା ମିଳିଛି। ତେବେ ଅଭିଯୁକ୍ତମାନେ ଆସିଥିବା କାରକୁ ଏକ ଯାତ୍ରାପାର୍ଟିର ଅଭିନେତା ଚଳାଉଥିଲେ ବୋଲି ଜଣାପଡ଼ିଛି।

Hot this week

ଗ୍ରାମ ପଞ୍ଚାୟତ ପିଅନ ପଦ ସୃଷ୍ଟି ନେଇ ମିଥ୍ୟା ପ୍ରଚାର ବିରୋଧରେ ଏଫ୍‌ଆଇଆର୍

ଭୁବନେଶ୍ୱର :ଗତ ନ‌ଭେମ୍ବର ୨୪ ତାରିଖରେ PR-PADM- OM-PG-064-2025/4232 ପତ୍ର ସଂଖ୍ୟା...

ଆମ ବସ ଧକ୍କାରେ ଜଣେ ମୃତ

ଭୁବନେଶ୍ୱର :ରାଜଧାନୀରେ ବଢିଚାଲିଛି ଦୁର୍ଘଟଣା ଜନିତ ମୃତ୍ୟୁ । ପୁଣି ଆମ...

ଭୁବନେଶ୍ଵରରେ ପହଞ୍ଚିଲେ ଦକ୍ଷିଣଆଫ୍ରିକା ଦଳର ୫ ଖେଳାଳି

ସମାଜଲାଇଭ ଡେସ୍କ: ଭୁବନେଶ୍ଵର ବିମାନବନ୍ଦରରେ ପହଞ୍ଚିଛନ୍ତି ଦକ୍ଷିଣଆଫ୍ରିକା କ୍ରିକେଟ ଦଳର ୫...

Related Articles

Popular Categories