ତିଗିରିଆ : ତିଗିରିଆ ଯୁବ କଳା ବିକାଶ ପରିଷଦର ନବମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ଅନଷ୍ଠାନ ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଅନୁଷ୍ଠାନର ଉପଦେଷ୍ଟା ବରିଷ୍ଠ ଆଇନଜୀବୀ ପ୍ରଶାନ୍ତ କୁମାର ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ ତିଗିରିଆ ପଞ୍ଚାୟତ ସମିତି ଅଧ୍ୟକ୍ଷା ସନ୍ଧ୍ୟାରାଣୀ ନାୟକ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ। ଏଥିରେ ସମ୍ମାନୀତ ଅତିଥି ଭାବେ ପୂର୍ବତନ ବ୍ଲକ ଅଧ୍ୟକ୍ଷ ଭାଗିରଥୀ ନନ୍ଦ, ନିଜିଗଡ଼ ସରପଞ୍ଚ ସଂଯୁକ୍ତା ମହାନ୍ତି, ପରିଷଦର ସଭାପତି ଜୟନ୍ତ ସିଂହ, ସମ୍ପାଦକ ବ୍ରଜସୁନ୍ଦର ଦାସ ପ୍ରମୁଖ ଯୋଗଦେଇଥିଲେ। ତିଗିରିଆ ଅଞ୍ଚଳର ବରିଷ୍ଠ କଳାକାର ପ୍ରସନ୍ନ କୁମାର ପଣ୍ଡା, ଆଲୋକ ରଞ୍ଜନ ପଣ୍ଡା, ତ୍ରୈଲୋକ୍ୟ ବିହାରୀ ସାମନ୍ତରା ଓ ନାଟ୍ୟ ନିର୍ଦେଶକ ସୁନୀଲ କୁମାର ମହାନ୍ତିଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ଅରୁଣ ବାରିକଙ୍କ ଦ୍ୱାରା ରଚିତ, ସଙ୍ଗୀତ ନିର୍ଦେଶକ ଆଲୋକ ଓ ସୁନିଲ କୁମାର ମହାନ୍ତିଙ୍କ ନିର୍ଦେର୍ଶିତ ମୁଁ ଭଦ୍ରକିଆ ଟୋକା ନାଟକ ପରିବେଷଣ କରାଯାଇଥିଲା। ଅନୁଷ୍ଠାନର ସଦସ୍ୟମାନେ ଏହି ନାଟକରେ ବିଭିନ୍ନ ଭୂମିକାରେ ନିକ୍ଷୂଣ ଅଭିନୟ କରି ଦର୍ଶକଙ୍କ ମନମୋହିଥିଲେ।
Popular Categories
Previous article
Next article