ନୂଆଦିଲ୍ଲୀ : ସୋସିଆଲ ମିଡିଆରେ ଅନେକ ସମୟରେ ଜୀବଜନ୍ତୁଙ୍କ ଭିଡିଓ ବେଶ ଭାଇରାଲ ହୋଇଥାଏ। ଅନେକ ସମୟରେ ମଜା ମଧ୍ୟ ଲାଗିଥାଏ। ଜୀବଜନ୍ତୁ ମାନେ ଲଢେଇ କରୁଥିବା ଭିଡିଓ ଲୋକଙ୍କୁ ଖୁବ ପସନ୍ଦ ଆସିଥାଏ। ନିକଟରେ ସୋସିଆଲ ମିଡିଆରେ ଏକ ଭିଡିଓ ଖୁବ ଭାଇରାଲ ହେଉଛି। ଭିଡିଓରେ ଦେଖାଯାଉଛି, ପର୍ଯ୍ୟଟକଙ୍କ ସମ୍ମୁଖରେ ରାସ୍ତାରେ ଏକ ଚିତାବାଘ ଓ କୁକୁର ମଧ୍ୟରେ ଲଢେଇ। ଭିଡିଓରେ ଦେଖାଯାଉଛି, ରାସ୍ତାରେ ଶୋଇଥିବା ଏକ କୁୁକୁର ଉପରେ ହଠାତ ଏକ ଚିତାବାଘ ଆସି ଆକ୍ରମଣ କରୁଛି। ମାତ୍ର ବାଘକୁ ଏହା ଭାରି ପଡିଛି। କୁକୁରଟି ହାର ନମାନି ଖୁବ ସାହସର ସହ ସାମ୍ନାସାମ୍ନି କରିଛି। ବାଘ ଆକ୍ରମଣ କରିବା ମାତ୍ରେ କୁକୁର ଜୋରରେ ଭୁକିବାକୁ ଆରମ୍ଭ କରିଛି। ବାଘଟି କିଛି ଉପାୟ ନପାଇ ସେଠାରେ ଠିଆ ହେବା ପରେ ଜଙ୍ଗଲ ଭିତରକୁ ପଳାଇ ଯାଇଛି।
ଏହି ଭିଡିଓଟି ଭାରତୀୟ ପ୍ରଶାସନିକ ଅଧିକାରୀ ଅବନୀଶ ଶରନ ନିଜ ଟ୍ୱିଟରରେ ସେୟାର କରିଛନ୍ତି। ସେ ମଧ୍ୟ ଲେଖିଛନ୍ତି, ପରିସ୍ଥିତି ଯେପରି ହୋଇଥାଉ, ଆତ୍ମବିଶ୍ୱାସ ରଖନ୍ତୁ। ଭିଡିଓଟି କେଉଁ ସ୍ଥାନର ତାହା ଜଣାପଡି ନାହିଁ। ମାତ୍ର ଏହା ଏକ ଜଙ୍ଗଲ ରାସ୍ତାର। ରାସ୍ତାରେ କିଛି ପର୍ଯ୍ୟଟକ ଜିପରେ ଥିବା ଦେଖାଯାଉଛି।
हालात कितने भी मुश्किल हों, ‘आत्मविश्वास’ बनाकर रखिए. pic.twitter.com/71ZrUOGb2U
— Awanish Sharan (@AwanishSharan) February 17, 2022
Comments are closed.