ପାଓଭାଜି ପାଇଁ ଦେଇଦେଲେ ଆଇଫୋନ୍‌‌ ; କାରଣ ଜାଣିଲେ ଆଶ୍ଚର୍ଯ୍ୟ ହେବ..

ନୂଆଦିଲ୍ଲୀ : ସାଧାରଣତଃ ଲୋକେ ଛୁଟି କାଟିବାକୁ ଗୋଆ ବୁଲିବା ପାଇଁ ଯିବାକୁ ଅଧିକ ପସନ୍ଦ କରିଥାଆନ୍ତି। ମାତ୍ର ଚିନ୍ତା କରନ୍ତୁ ବୁଲିବାକୁ ଯାଇଥିବେ, ଆପଣଙ୍କ ଦାମୀ ଜିନିଷ ଚୋରି ହୋଇଯିବ। ଏହାପରେ ନିରାଶ ଓ ହତାଶ ହେବା ସ୍ୱଭାବିକ। ଦିଲ୍ଲୀରୁ ଗୋଆ ବୁଲିବାକୁ ଯାଇଥିବା ଜଣେ ବ୍ୟକ୍ତିଙ୍କ ସହ ଏପରି ହୋଇଛି। ମାତ୍ର ଘଟଣା ପରବର୍ତ୍ତି ସମୟରେ ଭିନ୍ନ ମୋଡ ନେଇଛି। ଆଶ୍ଚର୍ଯ୍ୟର କଥା ଦାମୀ ଆଇଫୋନ୍‌‌ର ବଦଳରେ ୧୦୦ରୁ ୧୫୦ ଟଙ୍କିଆ ଜିନିଷ କିଣିବା। ଯାହା ହେଉଛି ପାଓଭାଜି। ପାଓଭାଜି ବଦଳରେ ଚୋରଟି ଦୋକାନୀକୁ ଆଇଫୋନ୍‌‌ ଦେଇ ଦେଇଥିଲା।
ସୋସିଆଲ୍‌‌ ମିଡିଆରେ ଏହି ଘଟଣାଟି ସେୟାର କରିବା ପରେ ସଭିଏଁ ଆଶ୍ଚର୍ଯ୍ୟ ଚକିତ ହେଉଛନ୍ତି। ଘଟଣା କ୍ରମେ, ଗୋଆରେ ଜଣେ ବ୍ୟକ୍ତି ନିଶାସକ୍ତ ଅବସ୍ଥାରେ ଅନ୍ୟ ଜଣେ ବ୍ୟକ୍ତିଙ୍କ ଫୋନ୍‌‌ ଚୋରି କରି ନେଇଥିଲେ। ଏହାପରେ ସେହି ବ୍ୟକ୍ତି ଜଣକୁ ଖୁବ୍‌‌ ଜୋରରେ ଭୋକ ଲାଗିବାରୁ ଏକ ଦୋକାନ ନିକଟରେ ଅଟକି ଥିଲା। ତା’ପାଖରେ ଟଙ୍କା ନଥିବାରୁ ପାଓଭାଜି ଖାଇବା ପାଇଁ ଏହା ବଦଳରେ ଆଇଫୋନ୍‌‌ ଦେଇଥିଲା।
ଏହାପରେ ଘଟଣା ଆଉ ଏକ ମୋଡ ନେଇଥିଲା। ସେହି ପାଓଭାଜି ଦୋକାନି ଆଇଫୋନ୍‌‌କୁ ଚାର୍ଜ କରିବା ପରେ ଫୋନ୍‌‌ ମାଲିକର କଲ୍‌‌ ଆସିଥିଲା। ସେ ଉତ୍ତର ଦେଇଥିଲା। ଏହାପରେ ଫୋନ୍‌‌କୁ ଅସଲି ମାଲିକ ଫେରି ପାଇଥିଲେ। ଚୋରି ହୋଇଥିବା ସ୍ଥାନରୁ ୬୦ କିଲୋମିଟର ଦୂରରେ ଫୋନ୍‌‌କୁ ପାଇଥିଲେ ମାଲିକ।
ଏହି ଘଟଣା ସୋସିଆଲ ମିଡିଆରେ ଭାଇରାଲ୍‌‌ ହେବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି। କେହି କେହି ଲେଖିଛନ୍ତି ପାଓଭାଜି ନିଶ୍ଚୟ ସ୍ୱାଦିଷ୍ଟ ହୋଇଥିବ।