ବେଳେବେଳେ ଏପରି ହୁଏ ଯେତେ ଆୟ କଲେ ମଧ୍ୟ ଘରେ ଆର୍ଥିକ ସମସ୍ୟା ଦେଖା ଦେଇଥାଏ। ଏହାସହ ବ୍ୟକ୍ତି ମାନସିକ ଚିନ୍ତାରେ ରହିବା ସହିତ ଘରେ ଅଶାନ୍ତି ଲାଗି ରହିଥାଏ। ହେଲେ ଆମେ ଏ ବିଷୟରେ ଅଜଣା ଥାଆନ୍ତି ଯେ ଏସବୁର କାରଣ ଘରର ବାସ୍ତୁ ଦୋଷ ହୋଇଥାଏ। ଘରେ କିଛି ବାସ୍ତୁ ଦୋଷ ରହିଲେ ବ୍ୟକ୍ତି ବିଭିନ୍ନ ପ୍ରକାରର ଆର୍ଥିକ ଏବଂ ମାନସିକ ସମସ୍ୟାକୁ ନେଇ ଚିନ୍ତିତ ରହିଥାଏ। ବାସ୍ତୁଦୋଷରୁ ମୁକ୍ତି ଏବଂ ଜୀବନରେ ସୁଖ-ସମୃଦ୍ଧି ପାଇବା ପାଇଁ ବାସ୍ତୁଶାସ୍ତ୍ରରେ ଅନେକ ଉପାୟ ବିଷୟରେ କୁହାଯାଇଛି। ବାସ୍ତୁଶାସ୍ତ୍ର ଅନୁସାରେ ଏପରି ୫ଟ ଜିନିଷ ଅଛି ଯାହାକୁ ଘରେ ରଖିବା ଦ୍ବାରା ଘରର ବାସ୍ତୁ ଦୋଷ ଦୂର ହୋଇ ଅର୍ଥାଭାବ ଦୂର ହୋଇଥାଏ ଓ ଘରେ ସୁଖ ସମୃଦ୍ଧି ବଜାୟ ରହିଥାଏ। ଚାଲନ୍ତୁ ଜାଣିବା ସେହ ୫ଟି ଜିନିଷ ବିଷୟରେ –
-ଘରୁ ଆର୍ଥିକ ସମସ୍ୟା ଦୂର କରିବା ପାଇଁ ବଂଶୀ ଖୁବ ଉପଯୋଗୀ ବୋଲି ବାସ୍ତୁଶାସ୍ତ୍ରରେ କୁହାଯାଇଛି। ବଂଶୀ ରଖିବା ଦ୍ବାରା ଘରେ ଲକ୍ଷ୍ମୀଙ୍କର ବାସ ହୋଇଥାଏ।
-ଗଣେଶଙ୍କୁ ବିଘ୍ନନାଶକ ବୋଲି କୁହାଯାଏ। ସେ ଭକ୍ତଙ୍କ ସବୁ ସମସ୍ୟାକୁ ନିବାରଣ କରିଥାଆନ୍ତି। ଘରେ ନୃତ୍ୟ କରୁଥିବା ଗଣେଶଙ୍କ ମୂର୍ତ୍ତି ରଖିବା ଦ୍ବାରା ଆର୍ଥାଭାବ ଦୂର ହେବା ସହ ଘରେ ସୁଖ ଶାନ୍ତି ବଜାୟ ରହିଥାଏ।
-ମା’ ଲକ୍ଷ୍ମୀଙ୍କର ଫଟୋ କିମ୍ବା ମୂର୍ତ୍ତି ଆପଣଙ୍କ ଘରେ ନିଶ୍ଚିତ ଥିବ କିନ୍ତୁ ଧନ ବୃଦ୍ଧି ପାଇଁ ଲକ୍ଷ୍ମୀଙ୍କ ସହିତ ଘରେ କୁବେରଙ୍କ ମୂର୍ତ୍ତି କିମ୍ବା ଫଟୋ ରଖିବା ଉଚିତ।
-ଶଙ୍ଖରେ ବାସ୍ତୁ ଦୋଷ ଦୂର କରିବାର ଅଦ୍ଭୁତ କ୍ଷମତା ରହିଛି। ଯେଉଁ ଘରେ ନିୟମିତ ଭାବେ ଶଙ୍ଖର ଧ୍ବନି ଶୁଭାଯାଏ ସେଠାକାର ଚତୁଃପାର୍ଶ୍ବର ପବନ ଶୁଦ୍ଧ ଏବଂ ସକରାତ୍ମକ ରହିଥାଏ। ଯଦ୍ବାରା ଘରେ ସୁଖ ଶାନ୍ତି ବଜାୟ ରହେ।
-ଶାସ୍ତ୍ରରେ ଗଙ୍ଗାଜଳକୁ ବହୁତ ପବିତ୍ର ବୋଲି କୁହାଯାଏ। ନକରାତ୍ମକ ଶକ୍ତିଙ୍କୁ ଦୂର କରିବା ପାଇଁ ଘରେ ଗଙ୍ଗାଜଳ ରଖିବା ନିହାତି ଆବଶ୍ୟକ।
