କଲମପୁର : ତେନ୍ତୁଳିଖୁଣ୍ଟି ଗାଁ ଦେଇ ଯାଇଛି କଲମପୁର ମୁଖିଗୁଡା ମୁଖ୍ୟ ରାସ୍ତା। ରାସ୍ତାର ଉଭୟ ପାର୍ଶ୍ବରେ ରହିଛି ଜନବସତି। କିନ୍ତୁ ଗାଁରେ କୌଣସି ଆବର୍ଜନା କୁଣ୍ଡ ନଥିବାରୁ ଲୋକେ ନିଜ ଘରେ ବ୍ୟବହୃତ ହେବା ପରେ ସମସ୍ତ ବର୍ଜ୍ୟବସ୍ତୁକୁ ଆଣି ରାସ୍ତାକଡରେ ଫୋପାଡି ଦେଉଛନ୍ତି। ଦନିକୁ ଦିନ ପଲିଥିନ, ପ୍ଲାଷ୍ଟିକ ଫିଙ୍ଗି ଦେଉଥିବାରୁ ଏବେ ରାସ୍ତା କଡ ଆବର୍ଜନାର ପାହାଡ ସୃଷ୍ଟି ହେଇ ସାରିଛି। ମଶା ମାଛି ବଂଶ ବିସ୍ତାର କରି ରୋଗ ଉତ୍ପାଦନ କେନ୍ଦ୍ର ପାଲଟିଛି। ଏହି ରାସ୍ତା ଦେଇ ସଭ୍ୟ ସମାଜ ରିତିମତ ଯାତାୟତ କରୁଥିଲେ ମଧ୍ୟ ଏଥିପ୍ରତି କେହି ଦୃଷ୍ଟି ନଦେବା ପରିତାପର ବିଷୟ। ଅନ୍ୟ ପଟେ ସରକାର କୋଟି କୋଟି ଟଙ୍କାର ଅନୁଦାନ ଖର୍ଚ୍ଚ କରି ବାହ୍ୟ ମଳମୁକ୍ତ ପାଇଁ ଘୋଷଣା କରିଥିଲେ ମଧ୍ୟ ତେନ୍ତୁଳିଖୁଣ୍ଟି ପାଇଁ ଏହି ଘୋଷଣା କେବଳ ଧର୍ମକୁ ଆଖିଠାର ପାଲଟିଛି।
ସୁଚନାଯୋଗ୍ୟଯେ, ରାଜ୍ୟ ଓ କେନ୍ଦ୍ର ସରକାର ସ୍ୱଚ୍ଛତା ପ୍ରତି ଗୁରୁତ୍ୱ ଦେଉଛନ୍ତି। ପ୍ଲାଷ୍ଟିକ ଓ ପଲିଥିନ ଏବେ ପରିବେଶ ପାଇଁ ବିପଦ ସୃଷ୍ଟି କରୁଥିବା କୁହାଯାଉଛି। ଏଥିପାଇଁ ପଲିଥିନ ବ୍ୟବହାର ଉପରେ ରୋକ ଲଗାଯାଇଛି। ଏହି ପଲିଥିନ ବ୍ୟାନ କରିବା କେବଳ ଘୋଷଣାରେ ସିମିତ ରହିଛି। ଲୋକଙ୍କ ମଧ୍ୟରେ ସଚେତନ ସୃଷ୍ଟି କରାଯାଉନଥିବାରୁ ଆଗାମୀ ଦିନରେ ଏହାର ପ୍ରଭାବ ଜନ ଜୀବନ ଉପରେ ପ୍ରଭାବିତ ହେବାର ଆଶଙ୍କାକୁ ଏଡାଇ ଦିଆଯାଇନପାରେ। ପଞ୍ଚାୟତ ତରଫରୁ ତୁରନ୍ତ ଏହି ଗାଁରେ ଏକ ଆବର୍ଜନାକୁଣ୍ଡ ସ୍ଥାପନ ସହିତ ପ୍ରତି ୧୫ଦିନରେ ଉକ୍ତ କୁଣ୍ଡ ସଫେଇ କରାନଗଲେ ଗ୍ରାମବାସୀ ବିଭିନ୍ନ ରୋଗ ବୈରାଗର ଶିକାର ହେବାର ଆଶଙ୍କାକୁ ଏଡାଇ ଦିଆଯାଇନପାରେ। ତେଣୁ ତୁରନ୍ତ ଏଥିପ୍ରତି ଗୁରୁତ୍ୱ ଦେବାକୁ ଗ୍ରାମବାସୀଙ୍କ ତରଫରୁ ଦାବି ହୋଇଛି।
