କେନ୍ଦ୍ର ସ୍ବରାଷ୍ଟ୍ର ଓ ସମବାୟ ମନ୍ତ୍ରୀ ଅମିତ ଶାହା ରାଷ୍ଟ୍ରପତି ନିର୍ବାଚନରେ ତାଙ୍କର ଐତିହାସିକ ବିଜୟ ପାଇଁ ଶ୍ରୀମତୀ ଦ୍ରୌପଦୀ ମୁର୍ମୁଙ୍କୁ ଅଭିନନ୍ଦନ ଜଣାଇଛନ୍ତି । ଶ୍ରୀମତୀ ମୁର୍ମୁ ଦେଶର ସର୍ବୋଚ୍ଚ ପଦବୀକୁ ନିର୍ବାଚିତ ହେବା ଏକ ଐତିହାସିକ ମୁହୂର୍ତ୍ତ ବୋଲି ସେ କହିଛନ୍ତି।
ଶ୍ରୀ ଶାହା ତାଙ୍କ ଟ୍ୱିଟ୍ରେ କହିଛନ୍ତି ଯେ ଦେଶ, ବିଶେଷ କରି ଆଦିବାସୀ ସମାଜ ଆଜି ବହୁତ ଆନନ୍ଦିତ ଏବଂ ରାଷ୍ଟ୍ରପତି ନିର୍ବାଚନରେ ତାଙ୍କର ବିଶାଳ ବିଜୟ ଉତ୍ସବ ପାଳନକୁ ସେ ଉତ୍ସାହିତ କରୁଛନ୍ତି । ଏନଡିଏ ପ୍ରାର୍ଥୀ ଶ୍ରୀମତୀ ମୁର୍ମୁ , ଯିଏ ଏକ ସାଧାରଣ ପରିବାରର, ତାଙ୍କର ବିଜୟ ଦେଶ ପାଇଁ ଏକ ଗର୍ବର ମୁହୂର୍ତ୍ତ । ମୁଁ ତାଙ୍କୁ ଶୁଭେଚ୍ଛା ଜଣାଉଛି । ଏହି ବିଜୟ ଆନନ୍ଦଦାୟଙ୍କ ଏବଂ ଆଦିବାସୀ ସମାଜର ସଶକ୍ତିକରଣ କରିବା ଦିଗରେ ଏକ ମାଇଲଖୁଣ୍ଟ ।
କେନ୍ଦ୍ର ଗୃହମନ୍ତ୍ରୀ କହିଛନ୍ତି ଅନେକ ଅସୁବିଧାର ସମ୍ମୁଖୀନ ହୋଇ ଦ୍ରୌପଦୀ ମୁର୍ମୁ ଦେଶର ସର୍ବୋଚ୍ଚ କାର୍ଯ୍ୟାଳୟରେ ପହଞ୍ଚିଛନ୍ତି, ଏହା ଆମ ଗଣତନ୍ତ୍ରର ଅପାର ଶକ୍ତିକୁ ଦର୍ଶାଉଛି । ଏତେ ସଂଘର୍ଷ ପରେ ମଧ୍ୟ ସେ ଦେଶ ତଥା ସମାଜର ସେବାରେ ନିଜକୁ ଉତ୍ସର୍ଗ କରିବା ଓ ତାଙ୍କର ନିସ୍ୱାର୍ଥପରତା ସମସ୍ତଙ୍କ ପାଇଁ ପ୍ରେରଣା ଦାୟକ।
