ଶ୍ରୀନଗର: ଜାମ୍ମୁ-କାଶ୍ମୀରର ୫୭ଯୁବକ ଅଧ୍ୟୟନ ଆଳରେ ୨୦୧୭-୨୦୧୮ରେ ଭାରତୀୟ ଭିସା ନେଇ ପାକ୍ ଅଧିକୃତ କାଶ୍ମୀର (ପିଓକେ) ଯାଇଥିଲେ ମଧ୍ୟ ସେଠାରେ ପାଠ ନ ପଢ଼ି ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିବା ସୂଚନା ମିଳିଛି। ମଙ୍ଗଳବାର ରାଜୌରୀଠାରେ ଜାମ୍ମୁ-କାଶ୍ମୀର ପୁଲିସ ମହାନିର୍ଦେଶକ ଦିଲବାଗ ସିଂହ ଏହି ସୂଚନା ଦେଇଛନ୍ତି। ସମ୍ପୃକ୍ତ ଯୁବକଙ୍କ ମଧ୍ୟରୁ ୧୭ଜଣ ଅସ୍ତ୍ରଶସ୍ତ୍ର ସହ କାଶ୍ମୀର ଫେରିଥିବାବେଳେ ସୁରକ୍ଷାକର୍ମୀଙ୍କ ସହ ଗୁଳି ବିନିମୟରେ ପ୍ରାଣ ହରାଇଥିବା ଏବଂ ଆଉ ୧୩ ଜଣ ଏବେ ବି ସୁରକ୍ଷାକର୍ମୀଙ୍କୁ ଚକ୍ମା ଦେଇ ବୁଲୁଥିବା ଦିଲ୍ବାଗ କହିଛନ୍ତି। ଅନ୍ୟ ୧୭ଜଣ ଏବେ ପାକ୍ ଅଧିକୃତ କାଶ୍ମୀରରେ ରହୁଥିବା ସମ୍ପର୍କରେ ଗୁଇନ୍ଦା ସୂତ୍ରରୁ ଖବର ମିଳିଥିବା ସେ କହିଛନ୍ତି। ପାଠପଢା ଓ ପର୍ଯ୍ୟଟନ ବାହାନାରେ କାଶ୍ମୀର ଯୁବକ ପାକିସ୍ତାନ ଚାଲିଯିବା ଏବଂ ସେଠାରେ ଆତଙ୍କବାଦୀ ତାଲିମ ନେବା ସହ ଏଭଳି ସଂଗଠନରେ ସାମିଲ ହେଉଥିବାର ବହୁ ପ୍ରମାଣ ରହିଥିବାବେଳେ ସେମାନଙ୍କ ଉପରେ ପୁଲିସ କଡ଼ା ନଜର ରଖିଥିବା ଦିଲ୍ବାଗ କହିଛନ୍ତି।
Popular Categories
Previous article
Next article