ଠାକୁରମୁଣ୍ଡା: ଠାକୁରମୁଣ୍ଡା ଜଗନ୍ନାଥ ମନ୍ଦିର ପରିସରରେ ଆସନ୍ତା ଘୋଷ ଯାତ୍ରା ପାଇଁ ଏକ ପ୍ରସ୍ତୁତି ବୈଠକ ରବିବାର ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି। ରଥଯାତ୍ରା କମିଟିର ସଭାପତି ତଥା କରଞ୍ଜିଆ ଉପଜିଲ୍ଲାପାଳଙ୍କ ଅନୁପସ୍ଥିତରେ କମିଟିର ସମ୍ପାଦକ ବସନ୍ତ କୁମାର ପୈବର୍ତ୍ତୀଙ୍କ ସଭାପତିତ୍ୱରେ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ରଥ ନିର୍ମାଣର ଅଗ୍ରଗତି ଓ କୋଭିଡ ସମୟରେ ରଥଯାତ୍ରା ବନ୍ଦ ଥିବାରୁ ଚଳିତ ବର୍ଷ ରଥଯାତ୍ରା ଅନୁଷ୍ଠିତ ହେଉ ଥିବାରୁ ରଥ ଯାତ୍ରା କିପରି ସୁରୁଖୁରୁରେ ଶେଷ ହେବ ସେ ନେଇ ଆଲୋଚନା ହୋଇଥିଲା।
ରଥ ଯାତ୍ରା ଦିନ ପ୍ରତିବର୍ଷ ରଥ କମିଟିର ସଭାପତି ତଥା କରଞ୍ଜିଆ ଉପଜିଲ୍ଲାପାଳ ଛେରା ପହଁରା ନୀତି କରିଆସୁଥିବା ବେଳେ ଚଳିତ ବର୍ଷ ଉପଜିଲ୍ଲାପାଳ ଛେରା ପହଁରା କାର୍ଯ୍ୟକ୍ରମରେ ଅନୁପସ୍ଥିତ ରହିବା ନେଇ ଆଲୋଚନା ହୋଇଥିଲା। ଚଳିତ ବର୍ଷ କମିଟି ର ସମ୍ପାଦକ ବସନ୍ତ କୁମାର ପୈବର୍ତ୍ତୀ ରଥ ସମୟରେ ଛେରା ପହଁରା କରିବେ ବୋଲି ବୈଠକରେ ନିଷ୍ପତ୍ତି ହୋଇଥିଲା। ବୈଠକରେ ରଥ କମିଟିର ସଦସ୍ୟ ରବୀନ୍ଦ୍ର ତ୍ରିପାଠୀ, ଦିଲ୍ଲୀପ ସିଂହ୍ନ, ରମେଶ ଦାସ,ପଦ୍ମଲୋଚନ ନନ୍ଦ,ଅଜୟ କୁମାର ରାମ,ସମିତି ସଭ୍ୟ ଅଜୟ କୁମାର ପଲେଇ ,କ୍ଷୀତିଶ ଦାଶ, ବିକ୍ରମ ଦତ୍ତ, କୁନା ମହାନ୍ତ, ବାବୁନା ସେନାପତି , ଗଣମାଧ୍ୟମର ପ୍ରତିନିଧି, ପୂଜକ ସମେତ ସ୍ଥାନୀୟ ଲୋକ ଉପସ୍ଥିତ ଥିଲେ।
Comments are closed.