ଟିଟିଲାଗଡ଼ : ତତଲାଗଡ ରୂପେ ପରିଚିତ ଟିଟିଲାଗଡ ଅଂଚଳରେ ପ୍ରାୟ ୨ ମାସ ଧରି ରୌଦ୍ରତାପ ସହ ତାପମାତ୍ରା ୪୦ ଡିଗ୍ରୀ ଉପରେ ରହିଆସିଥିବା ବେଳେ ଆଜି ୩୧.୮କୁ ଖସିଆସିଛି। ଗତ୨୨ରେ ୪୫.୨ ଡିଗ୍ରୀ, ୨୩ରେ ୪୫.୫ ଡିଗ୍ରୀ, ୨୪ରେ ୪୫.୮ ଡିଗ୍ରୀ ତଥା ୨୫ରେ ୪୫.୫ ଡିଗ୍ରୀକୁ ଛୁଇଁଥିଲା ତାପମାତ୍ରା। ଏପରିକି ଗତ କିଛି ଦିନ ଧରି ମଧ୍ୟ ୪୨ ଡିଗ୍ରୀ ଉପରେ ରହିଆସିଥିଲା। ଏହି ପରିପ୍ରେକ୍ଷୀରେ ମଇରେ ହଠାତ୍ ପ୍ରାୟ ୧୪ ଡିଗ୍ରୀ ତଳକୁ ପାରଦ ଖସିବା ସହରବାସୀଙ୍କ ଆଶ୍ୱସ୍ତ କରିଛି। ଅନ୍ୟପକ୍ଷରେ ତାତି ଏଭଳି ତଲକୁ ଖସିଥିବା ନେଇ ସ୍ଥାନୀୟ ଉପଜିଲାପାଳଙ୍କ କାର୍ଯ୍ୟାଳୟର ଜରୁରୀ ବିଭାଗ କର୍ମଚାରୀ ଭୁବନେଶ୍ୱର କେନ୍ଦ୍ରକୁ ରିପୋର୍ଟ କଲାବେଳେ ସେଠାରେ ନିଯୁକ୍ତ ଅଧିକାରୀ ପ୍ରଥମେ ବିଶ୍ୱାସ କରିନଥିବା ଜଣାଯାଇଛି। ଗତକାଲି ସନ୍ଧ୍ୟାରେ ପ୍ରାୟ ଦୁଇ ଘଣ୍ଟା ଧରି ନିର୍ଧୁମ ବର୍ଷା ତଥା ଆଜି ସକାଳୁ ଆକାଶ ମେଘାଚ୍ଛନ୍ନ ରହିବା ନେଇ ତାପମାତ୍ରା ହଠାତ୍ ତଳକୁ ଖସିଥିବା ଜଣାଯାଇଛି।
Comments are closed.