ଚେନ୍ନଇ : କରୋନାରେ ସଂକ୍ରମିତ ହୋଇଥିବା ତାମିଲନାଡୁର କୃଷି ମନ୍ତ୍ରୀ ଆର.ଦୋରଇକନ୍ନୁଙ୍କର ଚେନ୍ନଇର କାବେରୀ ହସ୍ପିଟାଲରେ ପରଲୋକ ଘଟିଛି। ଗୁରୁତର ଅବସ୍ଥାରେ ତାଙ୍କୁ ଗତ ୧୩ ତାରିଖରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ବୟସ ହୋଇଥିଲା। ସେ ପାପାନାସାମ ଆସନରୁ ରାଜ୍ୟ ବିଧାନସଭାକୁ ନିର୍ବାଚିତ ହୋଇଥିଲେ।
କାବେରୀ ହସ୍ପିଟାଲର କାର୍ଯ୍ୟନିର୍ବାହୀ ନିର୍ଦ୍ଦେଶକ ଡକ୍ଟର ଅରବିନ୍ଦ ସେଲବରାଜ ସ୍ୱାସ୍ଥ୍ୟ ବୁଲେଟିନ୍ରେ କହିଛନ୍ତି ଯେ ମନ୍ତ୍ରୀଙ୍କୁ ଜୀବନ ସହାୟତା ବ୍ୟବସ୍ଥାରେ ରଖିଯାଇଥିଲା, କିନ୍ତୁ ତାଙ୍କ ଅବସ୍ଥା ଗୁରୁତର ଥିଲା। କୋଭିଡ -୧୯ରେ ସଂକ୍ରମିତ ହୋଇଥିବା ଦୋରଇକନ୍ନୁ ଗୁରୁତର ନିମୋନିଆରେ ଆକ୍ରାନ୍ତ ହୋଇଥିଲେ। ସିଟି ସ୍କାନ ଅନୁଯାୟୀ ତାଙ୍କ ଫୁସଫୁସର ୯୦ ପ୍ରତିଶତ ସଂକ୍ରମିତ ହୋଇଥିଲା ଓ ତାଙ୍କୁ ଆଇଏସଏମଓ ଏବଂ ଭେଣ୍ଟିଲେଟରରେ ରଖାଯାଇଥିଲା।
Minister R Doraikkannu was admitted to the hospital on October 13 with breathlessness and had tested positive for #COVID19 https://t.co/t1Yuzqgy4s
— ANI (@ANI) October 31, 2020
ମୁଖ୍ୟମନ୍ତ୍ରୀ କେ. ପାଲାନିସ୍ୱାମୀଙ୍କ ମାଆଙ୍କ ଶେଷକୃତ୍ୟରେ ଯୋଗଦେବାକୁ ଅକ୍ଟୋବର ୧୩ରେ ସେ ଯେତେବେଳେ ସାଲେମ ଯାଉଥିଲେ ସେତେବେଳେ ସେ ଅସୁସ୍ଥ ଅନୁଭବ କରିଥିଲେ। କାରରେ ଯାତ୍ରା କରୁଥିବା ଦୋରଇକନ୍ନୁଙ୍କୁ ତୁରନ୍ତ ଭିଲୁପୁରମସ୍ଥିତ ସରକାରୀ ମେଡିକାଲ କଲେଜ ହସ୍ପିଟାଲକୁ ନିଆଯାଇଥିଲା ଏବଂ ପରେ କାବେରୀ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା।
ତେବେ ଗତ ରାତିରେ ତାଙ୍କର ପରଲୋକ ଘଟିଛି।
