ଅନିଲ ଅମ୍ବାନୀଙ୍କୁ ସୁପ୍ରିମ୍ ଝଟକା, ହାତରୁ ଚାଲିଗଲା ୮ ହଜାର କୋଟି
![](https://samajalive.in/wp-content/uploads/2024/04/Capture-19-750x430.png)
ନୂଆଦିଲ୍ଲୀ: ଏସିଆର ସବୁଠୁ ବଡ ଉଦ୍ୟେଗପତି ମୁକେଶ ଅମ୍ବାନୀଙ୍କ ସାନ ଭାଇ ଅନିଲ ଅମ୍ବାନୀଙ୍କ ଆର୍ଥିକ ସ୍ଥିତି ଧିରେ ଧିରେ ସୁଧୁରିବାକୁ ଲାଗିଥିଲା କିନ୍ତୁ ଏହି ସମୟରେ ସୁପ୍ରିମକୋର୍ଟରୁ ତାଙ୍କୁ ବଡ ଝଟକା ଲାଗିଛି । ଅନିଲ ଅମ୍ବାନୀଙ୍କ କମ୍ପାନୀକୁ ଡିଏମଆରସି ମାମଲାରେ ସୁପ୍ରିମକୋର୍ଟ ଝଟକା ଦେଇଛନ୍ତି । କୋର୍ଟ ଅନିଲ ଅମ୍ବାନୀଙ୍କ ରିଲାଏନ୍ସ ଇନଫ୍ରାଷ୍ଟ୍ରକ୍ଚରର ମେଟ୍ରୋ ୟୁନିଟ୍ ଦିଲ୍ଲୀ ଏୟାରପୋର୍ଟ ମେଟ୍ରୋ ଏକ୍ସପ୍ରେସ୍ ପ୍ରାଇଭେଟ୍ ଲିମିଟେଡକୁ ଦିଲ୍ଲୀ ମେଟ୍ରୋର ଜମା ରାଶିକୁ ଫେରାଇବାକୁ କହିଛନ୍ତି । କୋର୍ଟ ଡିଏମଆରସି ତରଫରୁ ଦିଆଯାଇଥିବା ସମ୍ପୂର୍ଣ୍ଣ ରାଶିକୁ ଫେରାଇବାକୁ କହିଛନ୍ତି । ଏହି ଖବର ଆସିବା ପରେ ରିଲାଏନ୍ସ ଇନଫ୍ରାଷ୍ଟ୍ରକଚରର ସେୟାର ବହୁତ ଖସିଆସିଛି ।
ସୁପ୍ରିମକୋର୍ଟ ଡିଏମଆରସି ତରଫରୁ ଦାଖଲ କ୍ୟୁରେଟିଭ୍ ଯାଚିକାକୁ ମଞ୍ଜୁର କରି କରଜରେ ବୁଡିଥିବା ଅନିଲ ଅମ୍ବାନୀଙ୍କୁ ଏକ ଶକ୍ତ ଝଟକା ଦେଇଛନ୍ତି । ୧୨ ବର୍ଷ ପୁରୁଣା ମାମଲାରେ ପ୍ରଧାନ ବିଚାରପତି ଡି ଓ୍ବାଇ ଚନ୍ଦ୍ରଚୂଡଙ୍କ ଅଧ୍ୟକ୍ଷତାରେ ଖଣ୍ଡପୀଠ ରିଲାଏନ୍ସର ଦିଲ୍ଲୀ ବିମାନବନ୍ଦର ମେଟ୍ରୋ ଏକ୍ସପ୍ରେସକୁ ଦିଲ୍ଲୀ ମେଟ୍ରୋ ରେଳ କର୍ପୋରେସନ ତରଫରୁ ଜମା କରାଯାଇଥିବା ରାଶିକୁ ଫେରାଇବାକୁ କହିଛନ୍ତି । କହିରଖୁଛୁ ଏହି ମାମଲା ୨୦୧୨ରେ ଆରମ୍ଭ ହୋଇଥିଲା ଯେବେ ଦିଲ୍ଲୀ ଏୟାରପୋର୍ଟ ଡିଏମଆରସିର ତ୍ରୁଟି ଦେଖାଇ ଚୁକ୍ତି ଭାଙ୍ଗି ଦେଇଥିଲା । ଏହା ପରେ ମାମଲା ଦିଲ୍ଲୀ ହାଇକୋର୍ଟରେ ପହଞ୍ଚିଥିଲା ।
Comments are closed.