ମୁମ୍ବଇ: ସୁପରଷ୍ଟାର ସିଙ୍ଗର-୩କୁ ମିଳିସାରିଛି ଏହାର ବିଜେତା। ଚଳିତ ଥର ଟ୍ରଫି ହାତେଇଛନ୍ତି ଦୁଇ ଜଣ ପ୍ରତିଯୋଗୀ। ରବିବାର ସୋନି ଟିଭିରେ ପ୍ରସାରିତ ଶୋ’ର ଗ୍ରାଣ୍ଡ ଫାଇନାଲରେ କେରଳର ଅବିର୍ଭବ ଏସ୍ ଓ ଝାଡ଼ଖଣ୍ଡର ଅଥର୍ବ ବକ୍ସିଙ୍କୁ ସୁପରଷ୍ଟାର ସିଙ୍ଗର-୩ର ବିଜେତା ଘୋଷଣା କରାଯାଇଛି। ଉଭୟଙ୍କୁ ଟ୍ରଫି ସହ ଲକ୍ଷାଧିକ ଟଙ୍କାର ପୁରସ୍କାର ରାଶି ମିଳିଛି। ଅବିର୍ଭବ ଓ ଅଥର୍ବଙ୍କୁ ୧୦-୧୦ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯାଇଛି। ୭ ବର୍ଷୀୟ ଅବିର୍ଭବ ଜନତାଙ୍କ ଭୋଟିଂ ଭିତ୍ତିରେ ବିଜୟୀ ହୋଇଥିବାବେଳେ ୧୨ ବର୍ଷୀୟ ଅଥର୍ବ ବିଚାରକ ମଣ୍ଡଳୀଙ୍କ ନିଷ୍ପତ୍ତି ଅନୁଯାୟୀ ବିଜୟୀ ହୋଇଛନ୍ତି।
