କଟକ : କଟକରେ ବୁଧବାର ୧୨ ଘଣ୍ଟିଆ ବନ୍ଦ ଡ଼ାକରା ଦିଆଯାଇଛି। ୪ ଦଫା ଦାବି ନେଇ ହିନ୍ଦୁ ସେନା ଓ କଟକ ସହର ସୁରକ୍ଷା ସମିତି ପକ୍ଷରୁ ଏହି ବନ୍ଦ ପାଳନ କରାଯାଉଛି। ଆନ୍ଦୋଳନକାରୀମାନେ ବିଭିନ୍ନ ସ୍ଥାନରେ ପିକେଟିଂ କରିବା ସହ ବିଦ୍ୟାଳୟ, କଲେଜ ଓ ଦୋକନ ବଜାରକୁ ବନ୍ଦ ରଖାଯାଇଛି। ଫଳରେ ସାଧାରଣ ଜୀବନଯାତ୍ରା କେତେକ ମାତ୍ରାରେ ପ୍ରଭାବିତ ହୋଇଥିବା ଜଣାପଡ଼ିଛି। କଟକ ସହରରେ ଥିବା ସରକାରୀ କାର୍ଯ୍ୟାଳୟକୁ ଭୁବନେଶ୍ୱରକୁ ସ୍ଥାନାନ୍ତରୀକରଣକୁ ବିରୋଧ, ରାସ୍ତାରେ ଥିବା ଖାଲଖମାକୁ ମରାମତି କରିବା, ଉଠା ଦୋକାନୀଙ୍କୁ ଥଇଥାନ କରିବା ଏବଂ ସଂଶୋଧିତ ମୋଟର୍ ଯାନ ଆଇନକୁ ୬ ମାସ ପର୍ଯ୍ୟନ୍ତ କୋହଳ କରିବା ଆଦି ବିଭିନ୍ନ ଦାବି ନେଇ ଏହି ବନ୍ଦ ପାଳନ କରାଯାଉଛି।
