ନିର୍ଦ୍ଧିଷ୍ଟ ଚିନ୍ତାଧାରାକୁ ସହଯୋଗ କରୁଥିବା ଅଭିଯୋଗରେ ଟୁଇଟରକୁ ବିରୋଧ

ନୂଆଦିଲ୍ଲୀ : ଟୁଇଟରର ପକ୍ଷପାତିତାକୁ ନେଇ ‘ୟୁଥ ଫର ସୋସଲ ମିିଡିଆ ଡେମୋକ୍ରେସି’ ସଦସ୍ୟମାନେ ଦିଲ୍ଲୀ ସ୍ଥିତ ଟୁଇଟର ଇଣ୍ଡିଆ କାର୍ଯ୍ୟାଳୟ ସମ୍ମୁଖରେ ବିରୋଧ ପ୍ରଦର୍ଶନ କରିଛନ୍ତି। ବିରୋଧ ପ୍ରଦର୍ଶନକାରୀ ଅଙ୍କୁରଙ୍କ କହିବା ଅନୁସାରେ ଟୁଇଟର ଏକ ନିର୍ଦ୍ଧିଷ୍ଟ ଚିନ୍ତାଧାରର ସପକ୍ଷ ନେଉଥିବା ଅଭିଯୋଗ କରିଛନ୍ତି। ଜାନୁଆରୀ ୨୩ ତାରିଖ ରାତି ୧୧ଟାରେ ବିନା କୌଣସି କାରଣରେ ଅଙ୍କୁରଙ୍କ ଆକାଉଣ୍ଟକୁ ସସପେଣ୍ଡ କରାଯାଇଥିଲା। ଏ ନେଇ ସେ ଟୁଇଟରରେ ଅଭିଯୋଗ କରିବା ପରେ କୌଣସି କାରଣରୁ ଏହା ଡିଲେଟ କରାଯାଇଥିବା ସଫେଇ ଦେଇ ୨୪ ତାରିଖ ଦିନ ଆକାଉଣ୍ଟ ଆକ୍ଟିଭ କରିଥିଲା। ଏହାକୁ ନେଇ ଅଙ୍କୁରଙ୍କ ସପକ୍ଷରେ ଟୁଇଟରରେ ବିରୋଧ କରାଯାଇଥିଲା। ସେହିପରି ଏହି ଘଟଣାରେ ବିଜେପି ନେତା ମଜିନ୍ଦର ପାଲ ବଗା ମଧ୍ୟ ଟୁଇଟରକୁ ବିରୋଧ କରିଛନ୍ତି। ସେ କହିଛନ୍ତି ଏହି ବିରୋଧ କୌଣସି ରାଜନୈତିକ ଦଳର ନୁହେଁ ଏହା ଏକ ଚିିନ୍ତାଧାରାର ଲଢେଇ। କଂଗ୍ରେସକୁ ଆପେକ୍ଷ କରି ସେ କହିଛନ୍ତି ଟୁଇଟର ଦକ୍ଷୀଣପନ୍ଥୀ ସହ ଭେଦଭାବ କରୁଥିବା କହିଛନ୍ତି। ଦକ୍ଷୀଣପନ୍ଥୀ ଲମାନଙ୍କର ଟୁଇଟର ରିଚ କମୁଥିବା ସେ ଅଭିଯୋଗ କରିଛନ୍ତି।
ଏହା ସହ ପ୍ରଦଶନକାରୀଙ୍କ କହିବା ଅନୁସାରେ ଦକ୍ଷୀଣପନ୍ଥୀଙ୍କୁ ଫଲୋ କରୁଥିବା ଲୋକମାନଙ୍କୁ ସେମାନଙ୍କ ଟୁଇଟ୍‍ ଦେଖାଯାଉନାହିଁ, କିନ୍ତୁ ବାମପନ୍ଥୀ ନେତାମାନଙ୍କୁ ଫଲୋ କରୁ ନଥିବା ଲୋକଙ୍କୁ ସେମାନଙ୍କ ଟୁଇଟ୍‍ ଦେଖାଯାଉଛି।