ନୂଆଦିଲ୍ଲୀ – ଦିଲ୍ଲୀର ବସନ୍ତକୁଞ୍ଜ ଅଞ୍ଚଳରେ ପୁଣି ବୁଲା କୁକୁର ଆକ୍ରମଣରେ ଜଣେ ନାବାଳକ ଗୁରୁତର ହୋଇଛନ୍ତି । କୁକୁର ମାନେ ବେଢି ଯିବାରୁ ନାବାଳକ ଜଣଙ୍କ ଡରରେ ଦୌଡିଥିଲେ । କୁକୁରମାନେ ନାବାଳକର ପେଟ, ମୁହଁ ବେକ କାନ୍ଧକୁ କାମୁଡି ପକାଇଛନ୍ତି । ଗତମାସରେ ଏହି ଅଞ୍ଚଳରେ ବୁଲା କୁକୁର କାମୁଡି ଦୁଇ ଜଣ ଛୋଟ ପିଲା ସମ୍ପର୍କରେ ଯେଉଁମାନେ ଭାଇ ସେମାନଙ୍କର ମୃତ୍ୟୁ ହୋଇଥିଲା ।
ଦିଲ୍ଲୀ ବସନ୍ତକୁଞ୍ଜର ରଙ୍ଗପୁରୀ ହିଲ୍ସ ନିକଟରେ ଏହି ଛୋଟପିଲାଟି ଘର ପାଖ ଦୋକାନକୁ ସଉଦା କିଣିବାପାଇଁ ଯାଉଥିଲା । ଏହି ସମୟରେ ୧୪ଟି କୁକୁର ତାକୁ ବେଢି ଯାଇଥିଲେ । ପିଲାଟି ଭୟରେ ଦୌଡିବାରୁ କୁକୁରମାନେ ତାକୁ କାମୁଡି ପକାଇଥିଲେ ।
ଚିତ୍କାର ଶୁଣି କିଛି ଲୋକ ତୁରନ୍ତ ଆସି କୁକୁରଙ୍କ କବଳକୁ ପିଲାଟିକୁ ବଞ୍ଚାଇବା ପାଇଁ ଚେଷ୍ଟା କରିଥିଲେ । ସେତେବେଳକୁ ପିଲାଟି ଗୁରୁତର ହୋଇ ସାରିଥିଲା । ତା ଶରୀର ୧୨ଟି ଜାଗାକୁ କାମୁଡି ପକାଇଥିଲେ । ପିଲାଟିକୁ ତୁରନ୍ତ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ବୁଲାକୁକୁରଙ୍କୁ ଏମ୍ସିଡି ପକ୍ଷରୁ ଧରି ନେଇଯିବା ପାଇଁ ସ୍ଥାନୀୟ ଲୋକ ଦାବି କରିଛନ୍ତି । ଗତ ମାସରେ ଏହି ସ୍ଥାନରେ ବୁଲା କୁକୁର କାମୁଡାରେ ୭ ବର୍ଷ ଏବଂ ୫ ବର୍ଷର ଦୁଇ ଭାଇଙ୍କର ମୃତ୍ୟୁ ହୋଇଥିଲା ।
Comments are closed.