ନୂଆଦିଲ୍ଲୀ: ମହେଶ ବାବୁ ସାଉଥ୍ ଫିଲ୍ମ ଇଣ୍ଡଷ୍ଟ୍ରୀରେ ଏକ ଏଭଳି ନାମ ଯାହାଙ୍କୁ କିଛି ପରିଚୟ ଦେବାକୁ ପଡେ ନାହିଁ । ଅଭିନେତାରୁ ଅଧିକ ସେ ନିଜର ୟଙ୍ଗ ଲୁକ୍ ପାଇଁ ଚର୍ଚ୍ଚାରେ ରହିଥାନ୍ତି । ମହେଶ ବାବୁଙ୍କୁ ଦେଖିଲେ କେହି ମଧ୍ୟ କହିବେ ନାହିଁ ଯେ ତାଙ୍କୁ ୪୮ବର୍ଷ ହେଲାଣି । ନିକଟରେ ଏହି ଅଭିନେତା ଜଣଙ୍କ ସାଉଥ ଫିଲ୍ମ ନିର୍ଦ୍ଦେଶକ ଏସଏସ ରାଜାମୌଲୀଙ୍କ ଅପକମିଂ ଫିଲ୍ମରେ କାମ କରୁଛନ୍ତି । ରାଜାମୌଲିଙ୍କ ଫିଲ୍ମରେ ଅନେକ ପ୍ରକାର ଚରିତ୍ରରେ ମହେଶ ବାବୁ ନଜର ଆସିବେ । ଏଥିପାଇଁ ସେ ନିଜର ଲୁକ ବଦଳାଇବାରେ ଲାଗିଛନ୍ତି । ରାଜାମୌଲି ୧୦୦୦ କୋଟି ବଜେଟର ଏକ ଫିଲ୍ମ ପ୍ରସ୍ତୁତ କରୁଥିବା ବେଳେ ସେଥିରେ ମହେଶ ବାବୁ ମୁଖ୍ୟ ଚରିତ୍ରରେ ନଜର ଆସିବେ । ଫିଲ୍ମ ପାଇଁ ମହେଶ ବାବୁ ୮ପ୍ରକାର ଲୁକ୍ ଟେଷ୍ଟ ଦେଇଥିବା ଜଣାପଡିଛି । ରାଜାମୌଲି ବି ଏହି ଲୁକ୍ ଟେଷ୍ଟ ଉପରେ କଡା ନଜର ରଖିଛନ୍ତି ।
ମିଳିଥିବା ସୂଚନା ଅନୁଯାୟୀ ଫିଲ୍ମରେ ମହେଶ ବାବୁଙ୍କ ଚରିତ୍ର ପାଇଁ ୮ଟି ଭିନ୍ନ ଲୁକ୍ ଚୂଡାନ୍ତ ହୋଇଛି । ୧୦୦୦କୋଟି ବଜେଟ ସହିତ ‘ଏସଏସଏମବି୨୯’ ପ୍ରସ୍ତୁତ କରାଯାଉଛି । ଯାହାକି ଆଜି ପର୍ଯ୍ୟନ୍ତ ଭାରତୀୟ ସିନେମାର ସବୁଠାରୁ ମହଙ୍ଗା ଚଳଚ୍ଚିତ୍ର ହେବ ବୋଲି କୁହାଯାଇଛି । ଏହି ଫିଲ୍ମ ଜରିଆରେ ପ୍ରଥମ ଥର ପାଇଁ ମହେଶ ବାବୁ ଓ ରାଜାମୌଲି ଏକାଠି କାମ କରିବାର ସୁଯୋଗ ପାଇଛନ୍ତି । ଫିଲ୍ମଟିର କାହାଣୀ ପୁରାଣ ଓ ଭାରତୀୟ ଉପନ୍ୟାସକୁ ସଂଯୋଗ କରୁଥିବା କୁହାଯାଇଛି ।
ରାଜାମୌଲିଙ୍କ ୧୦୦୦କୋଟି ବଜେଟର ଫିଲ୍ମରେ ୮ଟି ଲୁକ୍ ଟେଷ୍ଟ ଦେଲେ ମହେଶ ବାବୁ
Popular Categories
Previous article
Next article