ଟିଟିଲାଗଡ଼: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ଟିଟିଲାଗଡ଼ ଗସ୍ତରେ ଆସି ବଲାଙ୍ଗୀର ଜିଲାସ୍ତରୀୟ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ କାର୍ଡ ବଣ୍ଟନ କାର୍ୟ୍ୟକ୍ରମକୁ ଉଦଘାଟନ କରିଛନ୍ତି। ଏହି ଅବସରରେ ଟିଟିଲାଗଡ଼ ପୌରାଞ୍ଚଳରେ ପାନୀୟ ଜଳ ବ୍ୟବସ୍ଥାର ଉନ୍ନତି କରଣ ପାଇଁ ୨୫ କୋଟି ଟଙ୍କା ସହ ନିର୍ବାଚନ ମଣ୍ଡଳୀ ଅଞ୍ଚଳରେ ବିଭିନ୍ନ ପ୍ରକଳ୍ପର ଶିଳାନ୍ୟାସ ତଥା ଶୁଭ ଉଦଘାଟନ କରିଛନ୍ତି। ମୁଖ୍ୟମନ୍ତ୍ରୀ ତାଙ୍କ ବାର୍ତ୍ତାରେ ରାଜ୍ୟରେ ଭୋକିଲା ଏବଂ ଚିକିତ୍ସା ଅଭାବରୁ କାହାରି ମୃତ୍ୟୁ ନହେଉ ସେଥିପାଇଁ ତାଙ୍କ ସରକାର ବଦ୍ଧ ପରୀକର ବୋଲି କହିଥିଲେ। ମଞ୍ଚାସୀନ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଟୁକୁନୀ ସାହୁ, ସ୍ୱାସ୍ଥ୍ୟ ମନ୍ତ୍ରୀ ନବୀନ ସରକାର ଦେଶର ଏକ ନମ୍ବର ଜନ ହିତେଷି ସରକାର ବୋଲି କହିଥିଲେ। ରାଜ୍ୟ ଚଳଚିତ୍ର ନିଗମ ଅଧ୍ୟକ୍ଷ କୁନା ତ୍ରିପାଠୀ ସଭା ପରିଚାଳନା ଓ ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା ଧନ୍ୟବାଦ ଅର୍ପଣ କରିଥିଲେ। ୫ ଟି ସଚିବ ଭି.କେ. ପାଣ୍ଡିଆନ, ବିଧାୟକ ବବି ଦାଶ, ପ୍ରମୋଦ ପ୍ରଧାନ, ଶିଶୁ ବିକାଶ ମନ୍ତ୍ରୀଙ୍କ ପ୍ରତିନିଧି ଅରୁଣ ମିଶ୍ର ପ୍ରମୁଖ ଉପସ୍ଥିତ ଥିଲେ।
Comments are closed.