ଠାକୁରମୁଣ୍ଡା: ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ଅବକାରୀ ଥାନା ଅନ୍ତର୍ଗତ ଠାକୁରମୁଣ୍ଡା ବଜାର ଓ ଚମ୍ପାଝର ଛକ ଅଞ୍ଚଳରୁ ଶୁକ୍ରବାର ସକାଳେ ଅବକାରୀ ବିଭାଗ ଦ୍ୱାରା ବିପୁଳ ପରିମାଣର ଚୋରା ବିଦେଶୀ ମଦ ଜବତ ହୋଇଛି। ଘଟଣା ସହ ସଂପୃକ୍ତି ଥିବା ଅଭିଯୋଗରେ ୨ ଜଣ ବ୍ୟବସାୟୀଙ୍କୁ ବିଭାଗ ଗିରଫ କରି କୋର୍ଟ ଚାଲାଣ କରିଛି।
ପ୍ରକାଶ ଯେ, ଚୋରା ମଦ ବିକ୍ରି ହେଉଥିବା ଖବର ପାଇ କଟକ ଅବକାରୀ ଫ୍ଲାଇଙ୍ଗ ସ୍କ୍ବାର୍ଡ ଠାକୁରମୁଣ୍ଡା ଅବକାରୀ ଥାନା କର୍ମଚାରୀଙ୍କ ସହାୟତାରେ ମଙ୍ଗଳବାର ଭୋରରୁ ଠାକୁରମୁଣ୍ଡା ନିକଟ ଚମ୍ପାଝର ବଜାର ଅଞ୍ଚଳରେ ବିଦେଶୀ ମଦ ବିକ୍ରି କରୁଥିବା ଘର ଉପରେ ଚଢ଼ାଉ କରିଥିଲେ। ସେଠାରୁ ୪୩ ଲିଟର ୮୦୦ ଗ୍ରାମ ବିୟର ଓ ୫୭ ଲିଟର ବିଭିନ୍ନ ବ୍ରାଣ୍ଡର ମଦ ବୋତଲକୁ ଜବତ ହୋଇଥିଲା। ଏହି ଘଟଣାରେ ଚମ୍ପାଝର ଗ୍ରାମର ମଦ ବ୍ୟବସାୟୀ ରତ୍ନାକର ସାହୁ ଗିରଫ ହୋଇଛନ୍ତି। ସେହିପରି ଠାକୁରମୁଣ୍ଡା ବଜାରର ଏକ ଦୋକାନ ଉପରେ ଚଢ଼ାଉ କରି ୧୯ ଲିଟର ବିୟର ଓ ୨୦ ଲିଟର ବିଦେଶୀ ମଦ ବୋତଲକୁ ଜବତ କରି ଅବକାରୀ ବିଭାଗ ରାକେଶ କୁମାର ସାହୁଙ୍କୁ ଗିରଫ କରିଛି। ଜବତ ମଦର ମୂଲ୍ୟ ପ୍ରାୟ ୫୦ ହଜାର ଟଙ୍କାରୁ ଉର୍ଦ୍ଧ୍ବ ହେବ ବୋଲି ଅବକାରୀ ବିଭାଗ କହିଛି।
