ସିମଳା : ହିମାଚଳପ୍ରଦେଶର ସିରମଉର ଜିଲାରେ ଶନିବାର ଏକ ସ୍କୁଲ ବସ୍ ଗିରିଖାତକୁ ଖସିପଡ଼ିବାରୁ ୭ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୬ ଜଣ ଛାତ୍ରଛାତ୍ରୀ ଏବଂ ବସ୍ଚାଳକ ଅନ୍ତର୍ଭୁକ୍ତ। ମୃତ ଛାତ୍ରଛାତ୍ରୀଙ୍କ ବୟସ ୫ରୁ ୧୪ ମଧ୍ୟରେ ହୋଇଥିବାବେଳେ ଚାଳକଙ୍କ ବୟସ ୪୦। ମୃତକଙ୍କ ମଧ୍ୟରେ ଦୁଇ ଭାଇ-ଭଉଣୀ ଅଛନ୍ତି। ବସ୍ଟି ସ୍ଥାନୀୟ ଡିଏଭି ସ୍କୁଲ, ରେଣୁକାକୁ ଯାଉଥିବାବେଳେ ପୂର୍ବାହ୍ଣ ୮ଟା ୩୦ ମିନିଟରେ ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଘଟଣାରେ ଅନ୍ୟ ୧୪ ଜଣ ଛାତ୍ରଛାତ୍ରୀ ଆହତ ହୋଇଛନ୍ତି। ସେମାନଙ୍କୁ ତୁରନ୍ତ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିବା ସିରମଉର ଡେପୁଟି କମିସନର ଲଲିତ ଜୈନ କହିଛନ୍ତି।
Popular Categories
Previous article
Next article