ନୂଆଦିଲ୍ଲୀ – ପୂର୍ବରୁ ଲୋକମାନେ ନିଜ ନାଁରେ ମନଇଚ୍ଛା ସିମ୍ କାର୍ଡ ରଖୁଥିଲେ । ବେଳେ ବେଳେ ଆପଣ ଦେଇଥିବା ପ୍ରମାଣପତ୍ରରେ ବି ଅନ୍ୟମାନଙ୍କୁ ବ୍ୟବସାୟୀମାନେ ସିମ୍ କାର୍ଡ ଦେଇ ଦେଉଥିଲେ ।ମାତ୍ର ଏବେ ୯ଟିରୁ ଅଧିକ ସିମ୍ କାର୍ଡ ରଖିଲେ ଅସୁବିଧାର ସମ୍ମୁଖୀନ ହୋଇପାରନ୍ତି । ଦୂର ସଂଚାର ବିଭାଗ ଏନେଇ ଏକ ନିର୍ଦେଶ ବା ମାର୍ଗ ଦର୍ଶିକ ଜାରି କରିଛି ।
୯ଟିରୁ ଅଧିକ ସିମ୍ କାର୍ଡ ଥିବା ଲୋକମାନେ ଏ ବିଷୟରେ ସତ୍ୟପାଠ ଦାଖଲ କରିବା ପାଇଁ ପଡିବ । ଜମ୍ମୁ-କାଶ୍ମୀର ତଥା ଆସାମରେ ଜଣଙ୍କ ପାଇଁ ସର୍ବାଧିକ ସିମ୍ କାର୍ଡ ସଂଖ୍ୟା ୬ ରଖାଯାଇଛି । ଅନୁମତିରୁ ଅଧିକ ସିମ୍ କାର୍ଡ ରଖିଥିବା ଗ୍ରାହକମାନଙ୍କୁ କେଉଁ ସିମ୍ କାର୍ଡ ଚାଲୁ ରଖିବେ ଏବଂ କାହାକୁ ବନ୍ଦ କରିବେ ସେ ନେଇ ଲିଖିତ ଭାବରେ ଜଣାଇ ପାରିବେ ।
ତେବେ ୯ରୁ ଅଧିକ ସିମ୍ କାର୍ଡ ରଖିଲେ ଉପଭୋକ୍ତାମାନଙ୍କୁ ଏହାର କାରଣ ଲିଖିତ ଭାବରେ ଜଣାଇବା ପାଇଁ ପଡିବ । ଏଥିପାଇଁ ଦରକାର ହେଲେ ସତ୍ୟପାଠ ଦାଖଲ କରିବେ ।
ଏବେ ଅଧିକ ସିମ୍ କାର୍ଡ ନେଇ କିଛି ଲୋକ ବିଭିନ୍ନ ଅନ୍ଲାଇନ୍ ଠକେଇ କରୁଥିବା ଏବଂ ତା ପରେ ସେହି ସିମ୍କାର୍ଡରୁ ବନ୍ଦ କରିଦେଉଥିବା ନଜରକୁ ଆସିଛି । ଏହାକୁ ରୋକିବା ତଥା ଅନ୍ୟ ଅର୍ଥନୈତିକ ଅପରାଧକୁ ବନ୍ଦ କରିବା ପାଇଁ ଏପରି ପଦକ୍ଷେପ ନିଆଯାଇଥିବା ଟ୍ରାଇ ପକ୍ଷରୁ କୁହାଯାଇଛି । ଯେଉଁ ସବୁ ସିମ୍ କାର୍ଡର ଉପଯୋଗ ହେଉ ନାହିଁ ସେ ସବୁକୁ ଟେଲିକମ୍ ସେବା ପ୍ରଦାନକାରୀଙ୍କ ଡାଟା ବେଶ୍ରୁ ହଟାଇବା ପାଇଁ କୁହାଯାଇଛି ।
