ଭୁବନେଶ୍ୱର: ପୁରୀ ଶ୍ରୀଜଗନ୍ନାଥ ସଂସ୍କୃତ ବିଶ୍ବବିଦ୍ୟାଳୟ ପାଇଁ ଅନେକ କାର୍ଯ୍ୟପନ୍ଥା ଗ୍ରହଣ କରୁଛନ୍ତି ରାଜ୍ୟ ସରକାର। ନିକଟରେ ହୋଇଥିବା ସିଣ୍ଡିକେଟ ବୈଠକରେ ବିଭିନ୍ନ ସମସ୍ୟା ସମାଧାନ ପାଇଁ ବାଟ ଫିଟିଛି। ଉଭୟ ଛାତ୍ରଛାତ୍ରୀ ଏବଂ ଅଧ୍ୟାପକ/ଅଧ୍ୟାପିକାଙ୍କ ପାଇଁ ପଦକ୍ଷେପ ଗ୍ରହଣ କରାଯାଇଛି। ବିଶେଷକରି ବିଶ୍ବବିଦ୍ୟାଳୟରେ ବିଭିନ୍ନ ବିଭାଗରେ କାର୍ଯ୍ୟ କରୁଥିବା ଅଧ୍ୟାପକ/ଅଧ୍ୟାପିକାଙ୍କୁ ପଦୋନ୍ନତି ମିଳିବ।
ସେହିପରି ଛାତ୍ରଛାତ୍ରୀ ସାମଗ୍ରିକ ତଥା ବୌଦ୍ଧିକ ବିକାଶ ପାଇଁ ପାଠ୍ୟକ୍ରମ ବ୍ୟତୀତ ଅନ୍ୟାନ୍ୟ ଶିକ୍ଷା ଦିଆଯିବ। ବିଭିନ୍ନ ସାଂସ୍କୃତିକ ମହୋତ୍ସବ, ବିଭିନ୍ନ ବିଭାଗରେ ଜାତୀୟସ୍ତରୀୟ କର୍ମଶାଳା କରାଯିବାକୁ ନିଷ୍ପତ୍ତି ନିଆଯାଇଛି। ଏହାଦ୍ବାରା ନାକ୍ ଗ୍ରେଡେସନ ପାଇଁ ସହାୟକ ହୋଇପାରିବ। ସେହିପରି ଦୀର୍ଘ ବର୍ଷ ହେଲା ସ୍ବଳ୍ପ ଟଙ୍କାରେ ଖାତା ମୂଲ୍ୟାୟନ କରୁଛନ୍ତି। ଏଥର ଅନ୍ୟ ବିଶ୍ବବିଦ୍ୟାଳୟ ଭଳି ଖାତା ମୂଲ୍ୟାୟନ ରାଶି ବୃଦ୍ଧି କରାଯିବାକୁ ନିଷ୍ପତ୍ତି ହୋଇଥିବା କୁଳପତି ପ୍ରଫେସର ପ୍ରସନ୍ନ କୁମାର ସ୍ବାଇଁ କହିଛନ୍ତି।
Comments are closed.