ଚୌଦ୍ୱାର : ସ୍ଥାନୀୟ ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ଶିଶୁ ବାଟିକା ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇ ଯାଇଛି। ପ୍ରଧାନ ଆଚାର୍ଯ୍ୟ ଗୋବିନ୍ଦ ଚନ୍ଦ୍ର ପ୍ରଧାନଙ୍କ ପୌରୋହିତ୍ୟରେ ଆୟୋଜିତ ଏହି ଶିଶୁ ମେଳାରେ ବିଦ୍ୟାଳୟ ପରିଚାଳନା କମିଟି ସଭାପତି ସ୍ୱପ୍ନା ନାୟକ, ବିଶାଖା ମହାରଣା, ଅମର ଚୌଧୁରୀ ପ୍ରମୁଖ ଅତିଥି ଭାବେ ଯୋଗଦେଇ ବିଦ୍ୟାଳୟରେ ଉଚ୍ଚ ମାନର ବିଭିନ୍ନ ଶୈକ୍ଷିକ ଓ ସୃଜନାତ୍ମକ କାର୍ଯ୍ୟକ୍ରମ ମାଧ୍ୟମରେ ପିଲା ମାନଙ୍କୁ ସଶକ୍ତ କରି ଗଢ଼ି ତୋଳିବା ପାଇଁ ପ୍ରୟାସ ହେବା ଜରୁରୀ ବୋଲି ମତବ୍ୟକ୍ତ କରିଥିଲେ। ସହ ପ୍ରଧାନାଚାର୍ଯ୍ୟ ଶାରଦା ପ୍ରସାଦ ମହାନ୍ତି ସ୍ୱାଗତ ଭାଷଣ ପ୍ରଦାନ କରିଥିଲେ ଏବଂ ଶିଶୁ ବାଟିକା ପ୍ରମୁଖ ରଶ୍ମିତା ଧଳ ଧନ୍ୟବାଦ ଅର୍ପଣ କରିଥିଲେ ।ସୁଷମା ଦାସ ମଞ୍ଚ ପରିଚାଳନା କରିଥିଲେ। ଏହି ଅବସରରେ ଶିଶୁ ପ୍ରାରମ୍ଭ ଓ ଶିଶୁବୋଧ ପିଲା ମାନଙ୍କଦ୍ୱାରା ପ୍ରଦର୍ଶିତ ବିଭିନ୍ନ ଜ୍ଞାନ ବିଜ୍ଞାନ ପ୍ରକଳ୍ପକୁ ଅତିଥିବୃନ୍ଦ ଓ ବିଦ୍ୟାଳୟର ପିଲାମାନେ ବୁଲି ଦେଖିଥିଲେ ।
Comments are closed.