ବୁର୍ଲା: ବର୍ତ୍ତମାନ କରୋନା ମହାମାରୀ ସମସ୍ତ ମହଲରେ ଏକ ଆତଙ୍କର ବାତାବରଣ ଖେଳାଇ ଦେଇଥିବା ବେଳେ ସରକାରୀ କଳ ସମସ୍ତ ଜନସାଧାରଣଙ୍କୁ ନିଜ ସମୟ ଆସିଲେ ଟିକାନେବା ପାଇଁ ପରାମର୍ଶ କରୁଛନ୍ତି। ଏହା ମଧ୍ୟରେ ଟିକାକରଣ ବର୍ତ୍ତମାନ ଶିକ୍ଷିତ ଯୁବପିଢ଼ିଙ୍କ ପାଇଁ ଏକ ଆହ୍ୱାନ ସୃଷ୍ଟି କରିଛି ତାହା ହେଲା ସ୍ଲଟ ଖାଲି ରହିଛି ଏବଂ ସମସ୍ତ ସ୍ଲଟ ବୁକିଙ୍ଗ ହେଉଯାଉଛି ମଧ୍ୟରେ। କାରଣ ହେଲା ଜଣେ ଉଚ୍ଚଶିକ୍ଷିତ ମଧ୍ୟ ସ୍ଲଟ ବୁକିଙ୍ଗରେ ନାକେଦମ ହୋଇଯିବା ସତ୍ୱେ ସ୍ଲଟ ବୁକିଙ୍ଗ କରି ପାରୁନାହାନ୍ତି ତଥା ବିଚାରା ସାଧାରଣ ବର୍ଗର ଗ୍ରାମୀଣ ଯୁବକ ଯୁବତୀଙ୍କ କ୍ଷେତ୍ରରେ ଏହା କିପରି ସମ୍ଭବ ହେବ। ତେଣୁ ଅନେକେ ଏହି ଟିକାକରଣରୁ ବଞ୍ଚିତ ହେବା ଆଶଙ୍କା ସୃଷ୍ଟି କରିବା ସହିତ ସ୍ଲଟ ବୁକିଙ୍ଗ ଏକ ପ୍ରହସନ ସଦୃଶ ହେଉଛି।
କାରଣ କେତେକ ସେଣ୍ଟରରେ ସ୍ଲଟ ଖାଲି ରହିଥିବା ଦର୍ଶାଇଥିବା ବେଳେ ଯେତେବେଳେ ସ୍ଲଟ ବୁକିଙ୍ଗ କରାଯାଉଛି ସେହି ସମୟରେ ସେହି ସେଣ୍ଟର ସ୍ଲଟ ବୁକିଙ୍ଗ ହୋଇ ସାରିଥିବା ଦେଖାଯାଉଛି। ଏପରିକି ସଂନ୍ଧ୍ୟା ସାଢ଼େ ଚାରିଟା ସମୟରୁ ସଂନ୍ଧ୍ୟା ୬ଟା ପର୍ଯ୍ୟନ୍ତ ଏପରି ଚାଲିଥିଲା। ଯୁବକମାନେ ବୁର୍ଲା ସମେତ ସମ୍ବଲପୁର ଜିଲ୍ଲାର ଅନ୍ୟ ସେଣ୍ଟରମାନ ମଧ୍ୟ ଏପରି ସ୍ଲଟ ବୁକିଙ୍ଗ ପ୍ରୟାସ କରିଥିଲେ ମଧ୍ୟ ତାହା ହୋଇ ନ ଥିଲା। ଯଦିବା ଶିକ୍ଷିତ ଯୁବପିଢ଼ୀ ଟିକାରଣର ଜଟିଳ ବ୍ୟବସ୍ତାରେ ସ୍ଲଟ ବୁକିଙ୍ଗ କରି ପାରୁ ନାହାନ୍ତି ତା ହେଲେ ସାଧାରଣ ଅଶିକ୍ଷିତ ବର୍ଗ କିପରି ଭାବରେ ଏହି ଟିକାକରଣରେ ସାମିଲ ହୋଇ କରୋନାକୁ ପ୍ରତିହତ କରିବାରେ ଦେଶରେ ସହାୟକ ହେବେ ବୋଲି ମତପ୍ରକାଶ ପାଉଛି। ତେବେ ଏହି ବ୍ୟବସ୍ତାକୁ ସରଳିକରଣ କରିବା ପାଇଁ ଯୁବପିଢ଼ୀ ମହଲରେ ଦାବୀ ହେଉଛି।
