ଭୁବନେଶ୍ୱର : ଖୋର୍ଦ୍ଧା ଜିଲା ବେଗୁନିଆ ତହସିଲ୍ ସାରୁଅ ଗ୍ରାମର ଅନୁସୂଚିତ ଜାତିର ଏକ ଜମି ଦୁର୍ନୀତି ମାମଲାର ତଦନ୍ତ କରୁଥିବା କ୍ରାଇମ୍ବ୍ରାଞ୍ଚ ଅର୍ଥନୈତିକ ଅପରାଧ ଶାଖା(ଇଓଡବ୍ଲ୍ୟୁୁ) ଓଡ଼ିଶା ଇନ୍ଫ୍ରାଟେକ୍ ପ୍ରାଇଭେଟ୍ ଲିମିଟେଡ (ଓଆଇପିଏଲ୍)ର ଜଣେ ପ୍ରତିନିଧି ଶିବପ୍ରସାଦ ଶ୍ରୀଚନ୍ଦନଙ୍କୁ ସୋମବାର ଗିରଫ କରି କୋର୍ଟ ଚାଲାଣ କରିଛି। ଗତକାଲି ନିର୍ଦେଶକ ମନୋରଞ୍ଜନ ଷଡଙ୍ଗୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିଲା। ଏହି ଜମି ଦୁର୍ନୀତିରେ ଗିରଫଦାରି ବଢ଼ିବା ଆଶା କରାଯାଉଛି। ଗତକାଲି ଶିବପ୍ରସାଦଙ୍କୁ ଅଟକ ରଖି ଇଓଡବ୍ଲ୍ୟୁ ପକ୍ଷରୁ ପଚରାଉଚରା କରାଯାଉଥିଲା।
କ୍ରାଇମ୍ବ୍ରାଞ୍ଚ ମିଳିଥିବା ସୂଚନା ଅନୁସାରେ ଓଆଇପିଏଲ୍ ୨୦୧୦ରୁ ୨୦୧୩ ମଧ୍ୟରେ ସାରୁଅ ଅଞ୍ଚଳରେ କେତେକ ଜମି କିଣିବା ସମୟରେ ଶିବପ୍ରସାଦ ଏକ ଏଜେଣ୍ଟ ଭାବେ କାର୍ୟ୍ୟ କରୁଥିଲେ। ଅନୁନ୍ନତ ଅନୁସୂଚିତ ଜାତିର ଲୋକଙ୍କୁ ଯୋଗାଯୋଗ କରି ସେମାନଙ୍କଠାରୁ ଜମି ଖର୍ଦିବିକ୍ରି କିଭଳି ହେବ ସେନେଇ ମାଧ୍ୟମ ସାଜିଥିଲେ।
Comments are closed.