ନିମାପଡା : ପୁରୀ ଜିଲ୍ଲା ନିମାପଡା ଅଞ୍ଚଳର ଆଦର୍ଶ ତଥା ଲୋକପ୍ରିୟ ଶିକ୍ଷକ ପଣ୍ଡିତ ସୁଦର୍ଶନ ପଟ୍ଟନାୟକଙ୍କର ୭୮ ବର୍ଷ ବୟସରେ ପରଲୋକ ହୋଇଯାଇଛି । ସେ ଗତ କିଛି ଦିନ ହେବ ଅସୁସ୍ଥ ଥିଲେ । ତାଙ୍କ ବିୟୋଗରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି।
ସେ ୧୯୬୯ରୁ ୨୦୦୩ ପର୍ଯ୍ୟନ୍ତ ନିମାପଡା ଉଚ୍ଚ ବିଦ୍ୟାଳୟର ସଂସ୍କୃତ ଶିକ୍ଷକ ଭାବେ ଶିକ୍ଷାଦାନ କରି ଅବସର ଗ୍ରହଣ କରିଥିଲେ । ଜଣେ ଛାତ୍ର ବତ୍ସଳ ଶିକ୍ଷକ ଭାବେ ସେ ଆଖ ପାଖ ଅଞ୍ଚଳରେ ବେଶ ପରିଚିତ ଥିଲେ । ଶୁଦ୍ଧ ଉଚ୍ଚାରଣ, ଶୃଙ୍ଖଳା ଏବଂ ନୈତିକ ଶିକ୍ଷାଦାନ କରି ସୁଦର୍ଶନ ବାବୁ ବେଶ ଲୋକପ୍ରିୟତା ହାସଲ କରିଥିଲେ। ବେଦଭାଷା ସଂସ୍କୃତରେ ତାଙ୍କ ଅଗାଧ ପାଣ୍ଡିତ୍ୟ ଥିଲା। ତାଙ୍କର ଚିର ହସ ହସ ମୁହଁ, ସ୍ପଷ୍ଟ ଓ ପ୍ରାଞ୍ଜଳ ହିତୋପଦେଶ, ଧୀର ଓ ଶାନ୍ତ ସ୍ବଭାବ ଶିକ୍ଷକ ଓ ଛାତ୍ର ମହଲରେ ଜଣେ ଆଦର୍ଶ ଶିକ୍ଷକ ଭାବେ ପରିଚିତ କରାଇଥିଲା।
