ସମ୍ବଲପୁର : ସମ୍ବଲପୁରରେ ହନୁମାନ ଜୟନ୍ତୀରେ ବାଇକ ରାଲିରେ ପଥରମାଡ ଘଟଣାରେ ଶାନ୍ତି ଶୃଙ୍ଖଳା ବଜାୟ ପାଇଁ ସରକାରଙ୍କ ପକ୍ଷରୁ ପଦକ୍ଷେପ ଗ୍ରହଣ କରାଯାଇଛି। ୪୮ ଘଣ୍ଟା ପାଇଁ ସମ୍ବଲପୁର ଜିଲାରେ ବନ୍ଦ ରହିବ ଇଣ୍ଟରନେଟ ସେବା। ଆଜି ଦିନ ୧୦ଟାରୁ ୪୮ ଘଣ୍ଟା ପାଇଁ ବନ୍ଦ ରହିବ ଇଣ୍ଟରନେଟ ସେବା। ସେବା ବନ୍ଦ ନେଇ ଗୃହ ବିଭାଗ ପକ୍ଷରୁ ବିଜ୍ଞପ୍ତି ଜାରି କରାଯାଇଛି। ଗତକାଲି ଠାରୁ ସମ୍ବଲପୁର ସହରରେ ୧୪୪ ଧାରା ଜାରି ରହିଛି। ବାଇକ ରାଲିରେ ପଥରମାଡ ସମୟରେ ଅତିରିକ୍ତ ଏସପିଙ୍କ ସମେତ ୧୦ ପୁଲିସ ଆହତ ହୋଇଥିଲେ। ଧନୁପାଲି ଛକରୁ ରାଲି ଗଲା ବେଳେ ପୁଲିସକୁ ପଥର ମାଡ ହୋଇଥିଲା। ଏହାସହ ପଥର ମାଡରେ ଏଏସପି,ଧନୁପାଲି ଆଇଆଇସି ମଧ୍ୟ ଆହତ ହୋଇଥିଲେ। ଏହି ସମୟରେ ଦୋକାନ ଜଳିବା ସହ କାର ବାଇକକୁ ଲୋକେ ଭାଙ୍ଗିଥିଲେ। ସମ୍ପୃକ୍ତ ଘଟଣାରେ ୨୫ ରୁ ଅଧିକ ଲୋକଙ୍କୁ ଅଟକ ରଖି ପୁଲିସ ପଚରାଉଚରା କରୁଛି।
Comments are closed.