ସମ୍ବଲପୁର:ବଜରଙ୍ଗ ଦଳ ସମ୍ବଲପୁର ଶାଖା ତରଫରୁ ୨୦୧୯ ମସିହାରେ ଆଜିର ଦିବସରେ ଆତଙ୍କବାଦୀଙ୍କ ଦ୍ୱାରା ଧୋକାର ଶିକାର ହୋଇ ଶହୀଦ ହୋଇଥିବା ବୀର ସୈନିକ ମାନଙ୍କ ସ୍ମୃତିରେ ଗଭୀର ଶ୍ରଦ୍ଧାଞ୍ଜଳି ଦିଆଯାଇଛି। ସୋମବାର ପୂର୍ବାହ୍ନ ପ୍ରାୟ ୧୧ଟାରେ ସ୍ଥାନୀୟ କଚେରୀ ଛକ ସ୍ଥିତ ଶହୀଦ ସ୍ତମ୍ଭ ଠାରେ ବଜରଙ୍ଗ ଦଳ ପକ୍ଷରୁ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଅର୍ପଣ କରାଯାଇ ଦିବଙ୍ଗତ ଅମର ଆତ୍ମାମାନଙ୍କର ସଦଗତି କାମନା କରାଯାଇଥିଲା।
- Advertisement -
ଏହି ଅବସରରେ ପୁଲୱାମା ଆକ୍ରମଣରେ ସହୀଦ ହୋଇଥିବା ଅମର ଯବାନମାନଙ୍କର ବୀରତ୍ୱ ଉପରେ ବଜରଙ୍ଗ ଦଳର ଓଡିଶା ପଶ୍ଚିମର ପ୍ରାନ୍ତ ସଂଯୋଜକ ସୁଧିର ବହିଦାର ଆଲୋକପାତ କରିଥିଲେ। ଏହି ଅବସରରେ ଆଦିତ୍ୟ ପୁରୋହିତ, ପ୍ରମୋଦ ଚାନ୍ଦ, ବିବେକ ପାତ୍ର, ରୂପରାଜ ଦେହୁରୀ, ବବି ସ୍ୱାଇଁ, ସୁଶାନ୍ତ ଜଗଦଲା, ବାସୁ ମୁଣ୍ଡା, ରାହୁଲ ଗୁପ୍ତା, ଆକାଶ ସାହୁ, ଓମପ୍ରକାଶ ସ୍ୱାଇଁ, ଆଶୁତୋଷ ବେହେରା, ଜୟନ୍ତ ମହାପାତ୍ର ଓ ରୁଦ୍ର ବାରିକ ଙ୍କ ସମେତ ଅନେକ ସଦସ୍ୟ ଉପରେ ଉପସ୍ଥିତ ରହିଥିଲେ।
