ଲଡୁଗାଁ: ଲଡୁଗାଁ କୋକସରା ବ୍ଲକ ଅନ୍ତର୍ଗତ ଲଡୁଗାଁ ୩ ନମ୍ବର ୱାର୍ଡ ଛେଲିଆପଡା ବନ୍ଦପଡ଼ା ରାସ୍ତାରେ ଡ୍ରେନ୍ ମଇଳା ପାଣି ବହିବା ଓ ଦୁର୍ଗନ୍ଧମୟ ପରିବେଶ ସୃଷ୍ଟି ହେଉଥିବା ନେଇ ‘ସମାଜ’ ଖବରକାଗଜ ଖବର ପ୍ରକାଶ ପାଇବା ପରେ କୋକସରା ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ ନିଜସ୍ୱ ଉଦ୍ୟମରେ ଲଡୁଗାଁ ସେଠାକାର ଡ୍ରେନ ଓ ଲଟା ବୁଦାକୁ ସଫା କରାଇଥିଲେ। ଉକ୍ତ କାର୍ଯ୍ୟ ତଦାରଖ କରି ରାସ୍ତା କଡ ଦୋକାନୀ ତଥା ଜନସାଧାରଣଙ୍କୁ ନିଜେ ନିଜ ଘର ଅଗଣା କିପରି ସଫା ରଖିବା, ଡ୍ରେନକୁ ସଫା ରଖିବା ଓ କିଭଳି ଆଗାମୀ ଦିନରେ ଏହାର ସ୍ଥାୟୀ ସମାଧାନ ହେବ ଏବଂ ସ୍ଵଚ୍ଛ ଓ ପରିମଳ ବ୍ୟବସ୍ଥା ଉପରେ ସଚେତନ ରହିବା ସେନେଇ ଆଲୋଚନା କରିଥିଲେ। ଏହାସହ ଦୁର୍ଗମ ଅଞ୍ଚଳଠୁ ଆରମ୍ଭ କରି ଗଳି କନ୍ଦି ଲୋକଙ୍କ ସମସ୍ୟାର ସମାଧାନ ନିମନ୍ତେ ସ୍ଥାନୀୟ ଜନପ୍ରତିନିଧି ତଥା ପ୍ରଶାସନିକ ଅଧିକାରୀ ପର୍ଯ୍ୟନ୍ତ ଦୃଷ୍ଟି ଆକର୍ଷଣ କରୁଥିବାରୁ ‘ସମାଜ’ ଖବରକାଗଜକୁ ମଧ୍ୟ ଧନ୍ୟବାଦ ଜଣାଇଛନ୍ତି।
Popular Categories
Previous article
Next article