ଢ଼ାକା : ବାଂଲାଦେଶ ପ୍ରଧାନମନ୍ତ୍ରୀ ଶେଖ୍ ହାସିନାଙ୍କ ଉପରେ ୨୫ବର୍ଷ ପୂର୍ବେ ହୋଇଥିବା ଏକ ହତ୍ୟା ଉଦ୍ୟମ ମାମଲାରେ ସ୍ଥାନୀୟ ଏକ ଅଦାଲତ ବୁଧବାର ୯ଜଣଙ୍କୁ ଫାଶୀ ଦଣ୍ଡାଦେଶ ଶୁଣାଇଛି। ଏହି ମାମଲାରେ ଅନ୍ୟ ୨୫ଜଣଙ୍କୁ ଆଜୀବନ ଓ ୧୩ଜଣଙ୍କୁ ୧୦ବର୍ଷ କାରାଦଣ୍ଡାଦେଶ ହୋଇଛି। ହାସିନା ବାଂଲାଦେଶ ପାର୍ଲାମେଣ୍ଟର ବିରୋଧୀ ଦଳ ନେତା ଥିଲାବେଳେ ୧୯୯୪ ସେପ୍ଟେମ୍ବର ୨୩ରେ ଏହି ଆକ୍ରମଣ ହୋଇଥିଲା। ସେ ରେଳଯୋଗେ ଦେଶବ୍ୟାପୀ ରାଜନୈତିକ ଅଭିଯାନ ଚଳାଇଥିଲାବେଳେ ପାବନା ଈଶ୍ବରାଡିଠାରେ ପହଞ୍ଚିବାକ୍ଷଣି ତତ୍କାଳୀନ ପ୍ରଧାନମନ୍ତ୍ରୀ ଖାଲେଦା ଜିଆଙ୍କ ବାଂଲାଦେଶ ନ୍ୟାସନାଲ ପାର୍ଟିର କର୍ମୀ କୁହାଯାଉଥିବା ବ୍ୟକ୍ତିମାନେ ତାଙ୍କ ଉପରେ ଆକ୍ରମଣ କରିଥିଲେ। ହାସିନା ସୌଭାଗ୍ୟକ୍ରମେ ଏଥିରୁ ବର୍ତ୍ତି ଯାଇଥିଲେ। ହାସିନା ୧୯୯୬ରେ କ୍ଷମତାକୁ ଆସିବା ପରେ ମାମଲାର ବିଚାର ତ୍ବରାନ୍ବିତ ହୋଇଥିଲା। ରାୟ ପ୍ରକାଶ ପରେ ଅଦାଲତ ପରିସରରେ ଖାଲିଦାଙ୍କ ସମର୍ଥକମାନେ ବିକ୍ଷୋଭ ପ୍ରଦର୍ଶନ କରିଥିଲେ। ଅପରପକ୍ଷରେ ହାସିନାଙ୍କ ଆୱାମି ଲିଗ୍ କର୍ମୀମାନେ ଶୋଭାଯାତ୍ରା ବାହାର କରିଥିଲେ।
Popular Categories
Previous article
Next article