ବୌଦ୍ଧ : ବୌଦ୍ଧ ବ୍ଳକ ଜହ୍ନାପଙ୍କ ଉଚ୍ଚ ବିଦ୍ୟାଳୟ ପରିସରରେ ଜିଲାର ଦୁଇଜଣ ସହିଦଙ୍କ ସ୍ମୁତି ଉଦେଶ୍ୟରେ ବୌଦ୍ଧ ପୁଲିସପକ୍ଷରୁ ସହିଦ ଦିବସ ପାଳିତ ହୋଇଛି। ଜହ୍ନାପଙ୍କ ଉଚ୍ଚ ବିଦ୍ୟାଳୟର ଛାତ୍ର ସହିତ ବିଭୁଧେନ୍ଦ୍ର ବିଶ୍ୱାଳ ଓ ସହିଦ ଗୋବିନ୍ଦ ପ୍ରଧାନଙ୍କ ଫଟୋ ଚିତ୍ରରେ ବିଧାୟକ ପ୍ରଦୀପ କୁମାର ଅମାତ, ଜିଲାପାଳ ଲଲାଟେନ୍ଦୁ ମିଶ୍ର, ଆରକ୍ଷୀ ଅଧିକ୍ଷକ ଜ୍ଞାନରଞ୍ଜନ ମହାନ୍ତି ପ୍ରମୁଖ ପୁଷ୍ପଗୁଛ ପ୍ରଦାନ କରିବା ସହ ସହିଦଙ୍କ ସ୍ମୃତି ଚାରଣ କରିଥିଲେ। ବିଧାୟକ ଶ୍ରୀଅମାତ ପଦ୍ମନପୁର ଠାରୁ ପୁର୍ଣ୍ଣଚନ୍ଦ୍ର ଉଚ୍ଚ ବିଦ୍ୟାଳୟ ପର୍ଯ୍ୟନ୍ତ ରାସ୍ତାକୁ ସହିଦ ବିଭୁଧେନ୍ଦ୍ର ବିଶ୍ୱାଳଙ୍କ ନାମରେ ନାମିତ କରିବା ସହ ଉଦଘାଟନ କରିଥିଲେ। ଏହି କାର୍ଯ୍ୟକ୍ରମରେ ଅଞ୍ଚଳର ବୁଦ୍ଧିଜୀବୀ ,ପଦ୍ମନପୁର ସରପଞ୍ଚ ପୟତାପ କିଶୋର ପରିଡା ଉପସ୍ଥିତ ଥିବା ସହ ମୁଣ୍ଡାପଡା ସରପଞ୍ଚ ବିଦ୍ୟାଧର ସ୍ୱାଇଁ ଧନ୍ୟବାଦ ପ୍ରଦାନ କରିଥିଲେ। ସକାଳେ ଆଇଅରବି ବାଟାଲିୟନ ପରିସରରେ ଜିଲା ପୁଲିସ ପକ୍ଷରୁ ସହିଦ ଦିବସ ପାଳନ କରାଯାଇଥିଲା। ଜିଲା ଆରକ୍ଷୀ ଅଧିକ୍ଷକ ଜ୍ଞାନରଞ୍ଜନ ମହାନ୍ତି ପୁଲିସ ପତାକା ଉତ୍ତେଳନ କରିବା ସହିତ ଦେଶ ପାଇଁ ସହିଦ ହୋଇଥିବା ଯବାନମାନଙ୍କ ନାମ ପାଠ କରିଥିଲେ। ଏହି ଅବସରରେ ସମସ୍ତ ଜିଲାସ୍ତରୀୟ ପୁଲିସ ଅଧିକାରୀ ଉପସ୍ଥିତ ଥିଲେ।
Popular Categories
Previous article
Next article