ସୁଆଣ୍ଡୋ: ପୁରୀ ଜିଲ୍ଲା ସତ୍ୟବାଦୀର ସାମାଜିକ ଅନୁଷ୍ଠାନ ଗରିବର ସାଥୀ ପକ୍ଷରୁ ଗାଁ ଗାଁରେ ସଫେଇବାଲା କାର୍ଯ୍ୟକ୍ରମ ଆରମ୍ଭ ହୋଇଛି। ସତ୍ୟବାଦୀରେ ରହିଥିବା ସମସ୍ତ ଦେବାଦେବୀମାନଙ୍କ ମନ୍ଦିର ପରିସର ଓ ତାହାର ଚାରିପାଖ ସଫେଇ କରାଯିବ ବୋଲି ଅନୁଷ୍ଠାନର ଲକ୍ଷ୍ୟ ବୋଲି କୁହାଯାଇଛି। ସୋମବାର ସାକ୍ଷୀଗୋପାଳ ମନ୍ଦିର ନିକଟରୁ ହାତରେ ଝାଡୁ, କୋଦାଳ ଓ ଝୁଡି ଧରି ଯୁବକମାନେ ସଫେଇ ଅଭିଯାନ ଆରମ୍ଭ କରିଥିଲେ। ଏହି କାର୍ଯ୍ୟକ୍ରମରେ ସନ୍ଦୀପ ମହାପାତ୍ର, କୈଳାସ ପଲେଇ, ପ୍ରଭାକର ବେହେରା, ମାନସ ପ୍ରଧାନ, ବିଜୟ ପରିଡା, ବାଲୁଙ୍କେଶ୍ୱର ମହାପାତ୍ର, ସୁନିଲ ମହାରଣା ପ୍ରମୁଖ ସଭ୍ୟମାନେ ଯୋଗଦାନ କରିଥିଲେ। ଏହି ସଫେଇ କାମକୁ ଲୋକମାନେ ପ୍ରଶଂସା କରୁଥିବା ଜଣାପଡିଛି।
Comments are closed.