ଡେସ୍କ: ଭାରତରେ ଥିବା ରୁଷ ଦୂତାବାସ ମୃତକଙ୍କ ପରିବାରକୁ ସମବେଦନା ଜଣାଇବାକୁ ଚାହୁଁଥିବା ଲୋକଙ୍କ ପାଇଁ ଏକ ଅନଲାଇନ ପ୍ଲାଟଫର୍ମ ଖୋଲିଛି। ଏହି ଅନଲାଇନ୍ ପୁସ୍ତକ ଲୋକମାନଙ୍କୁ ଶୋକ ବାର୍ତ୍ତା ପୋଷ୍ଟ କରିବାକୁ କିମ୍ବା ମୃତକଙ୍କ ସମ୍ପର୍କୀୟଙ୍କ ପ୍ରତି ସମର୍ଥନ ଏବଂ ସହାନୁଭୂତି ପ୍ରକାଶ କରିହେବ। କ୍ରୋକସ୍ ସିଟି ହଲରେ ହୋଇଥିବା ଆତଙ୍କବାଦୀ ଆକ୍ରମଣରେ ମୃତକଙ୍କ ସଂଖ୍ୟା ୧୩୩କୁ ବୃଦ୍ଧି ପାଇଛି। ରୁଷୀୟ ଅନୁସନ୍ଧାନ ସମିତିକୁ ଉଦ୍ଧୃତ କରି ସରକାରୀ ଗଣମାଧ୍ୟମ ଟାସ୍ ରିପୋର୍ଟ କରିଛି ଯେ ସର୍ଚ୍ଚ ଅପରେସନ୍ ଚାଲିଛି ଏବଂ କନସର୍ଟ ହଲରୁ ଭଗ୍ନାବଶେଷ ହଟାଇ ଦିଆଯାଉଛି। ରୁଷ ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ୧୪୭ ଜଣ ଆହତ ହୋଇଛନ୍ତି। ରୁଷ୍ କହିଛି ଯେ ୪ଜଣ ବନ୍ଧୁକଧାରୀଙ୍କ ସହ ଆଜି ୧୧ ଜଣଙ୍କୁ ଗିରଫ କରାଯାଇଛି।
🕯️The Embassy has opened an online book of condolences for those who wish to express sympathy to the families of victims of the Crocus City Hall terrorist attack on March 22, 2024.
⬇️ You can write below in the comment section or send a letter to rusembindia@mid.ru. 🙏🏻 pic.twitter.com/heiGswdxQv
— Russia in India 🇷🇺 (@RusEmbIndia) March 23, 2024
କ୍ରୋକସ୍ ସିଟି ହଲ୍ ଉପରେ ହୋଇଥିବା ଆକ୍ରମଣକୁ ଇସ୍ଲାମିକ୍ ଷ୍ଟେଟ୍ ସହଯୋଗୀ ଇସ୍ଲାମିକ୍ ଷ୍ଟେଟ୍ – ଖୋରାସାନ୍ ପ୍ରୋଭିନ୍ସ (ଆଇଏସଆଇଏସ୍-କେ) ଦାୟୀ କରିଥିଲା କିନ୍ତୁ ରୁଷୀୟ ସୁରକ୍ଷା ସେବା ଦାବି କରିଛି ଯେ ଆକ୍ରମଣକାରୀମାନେ ୟୁକ୍ରେନ୍ ସହ ଲିଙ୍କ୍ ରଖିଥିଲେ ଏବଂ ସେମାନେ ପଡ଼ୋଶୀ ଦେଶ ଅଭିମୁଖେ ଯାଉଥିଲେ। ୟୁକ୍ରେନ୍ କହିଛି ଯେ ୟୁକ୍ରେନର ସମ୍ପୃକ୍ତି ଅଭିଯୋଗ ଅଯଥା। ଅନ୍ୟପକ୍ଷରେ ଆମେରିକା କହିଛି ଯେ ଆଇଏସ୍ଆଇଏସ୍-କେର ଦାବି ବିଶ୍ୱାସଯୋଗ୍ୟ ଏବଂ ଏହି ଆକ୍ରମଣ ପାଇଁ ୟୁକ୍ରେନ୍ ଦାୟୀ ନୁହେଁ।
http://rusembindia@mid.ru.
ଗ୍ରୀଷ୍ମ ଋତୁରେ ହସ୍ପିଟାଲରେ ଅଗ୍ନିକାଣ୍ଡ ରୋକିବା ପାଇଁ ତୁରନ୍ତ ପଦକ୍ଷେପ ନେବାକୁ କେନ୍ଦ୍ରର ନିର୍ଦ୍ଦେଶ
