କିଭ୍: ୟୁକ୍ରେନକୁ ସାହାଯ୍ୟ କରିବ ଆମେରିକା । ଆମେରିକାର ରାଷ୍ଟ୍ରପତି ଜୋ ବିଇଡେନ ୟୁକ୍ରେନକୁ ସାହାଯ୍ୟ କରିବା ନେଇ ଘୋଷଣା କରିଛନ୍ତି । ଆମେରିକାର ଅସ୍ତ୍ରଶସ୍ତ୍ରରୁ ଅତିରିକ୍ତ ୩୫୦ ମିଲିୟନ ଡଲାର ମୂଲ୍ୟର ଅସ୍ତ୍ର ପଠାଇବାକୁ ନିର୍ଦ୍ଦେଶ ଦେଇଛନ୍ତି । ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନ୍ କହିଛନ୍ତି ଯେ ଏହି ଅନୁମୋଦନ ଅନୁଯାୟୀ ଖୁବଶୀଘ୍ର ୟୁକ୍ରେନକୁ ଅସ୍ତ୍ରଶସ୍ତ୍ର ପଠାଯିବ । ପାଶ୍ଚାତ୍ୟ ଦେଶରୁ ଜାଭେଲିନ୍ ଆଣ୍ଟି ଟ୍ୟାଙ୍କ ସିଷ୍ଟମ ଏବଂ ଷ୍ଟିଙ୍ଗର କ୍ଷେପଣାସ୍ତ୍ର ୟୁକ୍ରେନ ଦାବି କରିଛି । ଏହି ଚାହିଦା ଅନୁଯାୟୀ ଜର୍ମାନ ଚାନସେଲର ଓଲାଫ ସ୍କୋଲଜ ୟୁକ୍ରେନକୁ ୧୦୦୦ ଆଣ୍ଟି-ଟ୍ୟାଙ୍କ ସିଷ୍ଟମ ଏବଂ ୫୦୦ ଷ୍ଟିଙ୍ଗର କ୍ଷେପଣାସ୍ତ୍ର ଯୋଗାଣ ଘୋଷଣା କରିଛନ୍ତି ।
ୟୁକ୍ରେନଙ୍କ ଅନୁରୋଧ କ୍ରମେ ଫ୍ରାନ୍ସ, ବେଲଜିୟମ, ପୋଲାଣ୍ଡ, ଚେକ୍ ରିପବ୍ଲିକ୍ ଏବଂ ନେଦରଲ୍ୟାଣ୍ଡ ମଧ୍ୟ ତୁରନ୍ତ ଅସ୍ତ୍ରଶସ୍ତ୍ର ସ୍ଥାନାନ୍ତର କରିବାକୁ ଘୋଷଣା କରିଛନ୍ତି । ଏଥି ପାଇଁ ଆମେରିକା ରାଷ୍ଟ୍ରପତି ମଧ୍ୟ ପଦକ୍ଷେପ ନେଇଥିବା ଦେଖିବାକୁ ମିଳିଛି । ରୁଷ ଆକ୍ରମଣ ବିରୋଧରେ ପ୍ରାରମ୍ଭିକ ସହାୟତା ପାଇଁ ବିଡେନ୍ ପ୍ରଶାସନ ଆମେରିକା ସଂସଦକୁ ୬.୪ ବିଲିୟନ ଡଲାର ମାଗିଛି । କୁହାଯାଉଛି ଯେ ଏହି ୬.୪ ବିଲିୟନ ଡଲାର ମୁଖ୍ୟତ ସାମରିକ ଏବଂ ମାନବିକ ସହାୟତା ପାଇଁ ବ୍ୟବହୃତ ହେବ । ସେଥିମଧ୍ୟରୁ ୩୫୦ ମିଲିୟନ ଡଲାର ମୂଲ୍ୟର ଅର୍ଥ ୟୁକ୍ରେନକୁ ସହାୟତା କରିବ ଆମେରିକା ।
