n ରୁଷିଆର ସଙ୍ଘୀୟ ପ୍ରତିରକ୍ଷା ମନ୍ତ୍ରୀ ସର୍ଗେଇ ସୋଇଗୁ (୬୬)। ରାଷ୍ଟ୍ରପତିଙ୍କ ୟାଙ୍କର ପ୍ରଭାବ ସର୍ବାଧିକ। କ୍ରିମିଆ ଅଭିଯାନ ୟାଙ୍କ ପରାମର୍ଶରେ ହୋଇଥିଲା। ଏବେ ୟୁକ୍ରେନ୍ ଅଭିଯାନର ମୁଖ୍ୟ। ବିରୋଧୀ ଦଳ ନେତା ଆଲେକ୍ସି ନାଭାଲ୍ନିଙ୍କୁ ୨୦୨୦ରେ ସେ ହତ୍ୟା ଉଦ୍ୟମ କରିଥିବା କୁହାଯାଏ।
ସେନାମୁଖ୍ୟ ତଥା ଉପ-ପ୍ରତିରକ୍ଷା ମନ୍ତ୍ରୀ ଭାଲେରୀ ଗେରାସିମୋଭ (୬୬)। ସାମ୍ପ୍ରତିକ ଯୁଦ୍ଧର ପ୍ରସ୍ତୁତି ତାଙ୍କ ଦ୍ବାରା ହୋଇଛି।
ସୁରକ୍ଷା ଓ ଗୁଇନ୍ଦା ଅଧିକାରୀ ତଥା ରାଜନେତା ନିକୋଲାଇ ପ୍ଲାଟୋନୋଭିଚ୍। ରାଷ୍ଟ୍ରପତିଙ୍କର ଏକାନ୍ତ ଅନୁଗତ। କେଜିବିରେ ଏକଦା ଉଭୟ କାମ କରୁଥିଲେ।
ସଂଘୀୟ ସୁରକ୍ଷା ନିର୍ଦେଶକ ଆଲେକ୍ଜାଣ୍ଡାର ବୋର୍ଟନିଖୋଭ (୭୦)। କେଜିବି ସମୟରୁ ରାଷ୍ଟ୍ରପତିଙ୍କ ସହ ସମ୍ପର୍କ।
ବୈଦେଶିକ ଗୁଇନ୍ଦା ନିର୍ଦେଶକ ସର୍ଗେଇ ନାରିସ୍କିନ୍ (୬୭)। ବ୍ୟବସାୟୀ ତଥା ରାଜନେତା ଦେଶର ହିଷ୍ଟୋରିକାଲ ସୋସାଇଟି ମୁଖ୍ୟ ଏବଂ ସଂସଦର ବାଚସ୍ପତି। ସେ ସର୍ବଦା ରାଷ୍ଟ୍ରପତିଙ୍କ ସହ ଛାଇ ପରି ଲାଗି ରହିଥାଆନ୍ତି। ରାଷ୍ଟ୍ରପତିଙ୍କ ବିରୋଧୀଙ୍କୁ ରାସ୍ତାରୁ ହଟାଇବା କାମ ସେ କରନ୍ତି।
ପରାମର୍ଶଦାତା ଭାଲେଣ୍ଟିନା ମାତ୍ବିୟେଙ୍କୋ (୭୨)। ରାଷ୍ଟ୍ରପତିଙ୍କ ପରାମର୍ଶଦାତା ମଣ୍ଡଳୀରେ ଏକମାତ୍ର ମହିଳା। କ୍ରିମିଆ ମିଶ୍ରଣରେ ତାଙ୍କର ପ୍ରମୁଖ ଭୂମିକା ଥିଲା। ସେ ସଂଘୀୟ ପରିଷଦର ମୁଖ୍ୟ ଅଛନ୍ତି।
ଏମାନେ ସମସ୍ତେ ରୁଷିଆର ୩୦ଜଣିଆ ନିରାପତ୍ତା ପରିଷଦ ସଦସ୍ୟ। ଏହି ୩୦ଜଣଙ୍କ ସହ ରାଷ୍ଟ୍ରପତି ଭ୍ଲାଦିମିର ପୁତିନ ଯେତକି ଘନିଷ୍ଠ, ସେହି ପରିମାଣରେ ଦୁରତା ମଧ୍ୟ ରକ୍ଷା କରନ୍ତି। ଅନେକ ଫଟୋରୁ ଏହା ସ୍ପଷ୍ଟ ହୋଇଥାଏ। ଏହି ପରାମର୍ଶଦାତା ମଣ୍ଡଳୀକୁ କୁହାଯାଏ ‘ସିଲୋଭିକି’ ବା ଷ୍ଟଙ୍ଗମ୍ୟାନ୍ ବା ପ୍ରଭାବଶାଳୀ। ଏମାନଙ୍କ ମଧ୍ୟରେ ରାଷ୍ଟ୍ରପତିଙ୍କ ଜନ୍ମସ୍ଥାନ ସେଣ୍ଟ ପିଟର୍ସବର୍ଗର ତିନି ବନ୍ଧୁ ଅଛନ୍ତି; ଯେଉଁମାନଙ୍କ ମଧ୍ୟରେ ଅଛନ୍ତି ୭୦ ବର୍ଷୀୟ ଗୁଇନ୍ଦା ଅଧିକାରୀ ନିକୋଲାଇ ପାତ୍ରୁସେଭ୍।
