ପାଟଣା : ପାଣି ଓ ରାସ୍ତା ସମସ୍ୟା ନେଇ ବିଡ଼ିଓଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଲେ ଗ୍ରାମବାସୀ । କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଅନ୍ତର୍ଗତ ସାନ୍ତରାପୁର ଗ୍ରାମର ଟେଣ୍ଟେଇଟାଙ୍ଗର ସାହିରେ ପାନୀୟ ଜଳ ସମସ୍ୟା ଉତ୍କଟ ହୋଇଛି। ଲୋକେ ପିଇବା ପାଣି ପାଇଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ସାହିରେ ୩୦୦ ରୁ ୪୦୦ ଶହ ଲୋକ ବସବାସ କରୁଥିବାବେଳେ ଗୋଟିଏ ନଳକୂପ ରହିଛି। ତାହା ଏବେ ଅଚଳ ହୋଇପଡିଥିବା କାରଣରୁ ଲୋକେ ବାଧ୍ୟ ହୋଇ ଚୁଆର ଦୂଷିତ ପାଣି ବ୍ୟବହାର କରି ବିଭିନ୍ନ ରୋଗର ଶିକାର ହେଉଛନ୍ତି। ଏହା ସହ ସାହିକୁ ଯିବା ପାଇଁ ଭଲ ରାସ୍ତା ନଥିବା ବେଳେ କୈାଣସି ରୋଗୀ ଗୁରୁତର ହେଲେ ସାହିକୁ ଆମ୍ବୁଲାନ୍ସ ମଧ୍ୟ ଯାଇପାରେ ନାହିଁ। ଏଭଳି ସମସ୍ୟା ନେଇ ଆଜି ସାହିବାସୀ ବିଡ଼ିଓଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି। ସାହିକୁ ତୁରନ୍ତ ପାନୀୟ ଜଳର ବ୍ୟବସ୍ଥା ସହ ଗାଁକୁ ଭଲ ରାସ୍ତା କରିବାକୁ ଦାବି କରିଛନ୍ତି। ନିର୍ବାଚନ ପୂର୍ବରୁ ସାହିରେ ପାନୀୟ ଜଳ ସମସ୍ୟା ଦୂର କରିବା ସହ ରାସ୍ତା ସମସ୍ୟା ଦୂର ନହେଲେ ଆଗାମୀ ନିର୍ବାଚନରେ ଭୋଟ ବର୍ଜ୍ଜନ କରିବାକୁ ଗ୍ରାମବାସୀ ଚେତାବନୀ ଦେଇଛନ୍ତି।
