ରାଉରକେଲା: ସାମାଜିକ ଦୁରତ୍ୱକୁ ସୁନିଶ୍ଚିତ କରିବା ଲାଗି ଆଜି ରାଉରକେଲା ସହରର ଅତ୍ୟାବଶ୍ୟକ ସାମଗ୍ରୀ ଦୋକାନୀ, ବିକ୍ରେତା ଓ ବ୍ୟବସାୟିକ ପ୍ରତିଷ୍ଠାନର ପରିଚାଳକ ତଥା ମାଲିକମାନଙ୍କୁ ରାଉରକେଲା ମହାନଗର ନିଗମ ପକ୍ଷରୁ ନିର୍ଦ୍ଦେଶନାମା ଜାରି ହୋଇଛି। ନିର୍ଦ୍ଧାରିତ ସମୟରେ ସେମାନେ ନିଜର ବ୍ୟବସାୟ କେନ୍ଦ୍ର ଖୋଲା ରଖିବା ଓ ପରିଚାଳନା କରିବା ସମୟରେ ମାର୍ଗଦର୍ଶିକାରେ ଦିଆଯାଇଥିବା ନିର୍ଦ୍ଦେଶାବଳୀର ସୁଚାରୁ ରୂପେ ପାଳନ କରିବା ସହ ସାମାଜିକ ଦୂରତା ବଜାୟ ରଖିବା ଦିଗରେ ଯତ୍ନବାନ ହେବେI ଏହା ସହିତ ତାଙ୍କ ବ୍ୟବସାୟିକ ପ୍ରତିଷ୍ଠାନକୁ ଆସୁଥିବା ବ୍ୟକ୍ତିମାନଙ୍କ ସହିତ ସାମାଜିକ ଦୂରତ୍ୱ ରଖି ବ୍ୟବସାୟ କରିବେI ଏହାର କୌଣସି ଖିଲାପ କିମ୍ବା ଅବମାନନା କଲେ ଆଇନ ଅନୁଯାୟୀ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହିତ ଖିଲାପକାରୀଙ୍କର ଦୋକାନ/ବ୍ୟବସାୟ ପ୍ରତିଷ୍ଠାନକୁ ସିଲ କରାଯିବ ଓ ଖିଲାପକାରୀଙ୍କ ବିରୁଦ୍ଧରେ ଆଇନମତେ ମୋକଦ୍ଦମା ରୁଜ୍ଜୁ କରାଯିବ ବୋଲି ମହାନଗର ନିଗମ ପକ୍ଷରୁ ଏକ ବିଜ୍ଞପ୍ତି ଜାରି ହୋଇଛି।
Popular Categories
Previous article
Next article