ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ପତ୍ରକ୍ଷପାଲି ଗ୍ରାମର ଅନ୍ତର୍ଯ୍ୟାମୀ ଶଙ୍ଖୁଆ ଭାରତୀୟ ସେନା ବାହିନୀରୁ ଅବସର ଗ୍ରହଣ ପରେ ଫେରିଛନ୍ତି ନିଜ ପଲ୍ଲୀ ଭୂଇଁକୁ। ଏବେ ତାଙ୍କୁ ମାତ୍ର ୩୭ ବର୍ଷ। ଗତ ୧/୪/୨୦୦୫ ରେ ମାତ୍ର ୨୦ ବର୍ଷ ବୟସରୁ ସୈନ୍ୟ ବିଭାଗରେ ସିପାହୀ ରୂପେ ନିଯୁକ୍ତି ପାଇ ସେ ଦେଶ ମାତୃକାର ସେବା ପାଇଁ ଚାଲିଯାଇଥିଲେ। ତାଙ୍କ ଚାକିରି ସମୟରେ ସେ ପାଞ୍ଚ ବର୍ଷ ଧରି ସେନା ଦଳର ମୁଖ୍ୟ ମଧ୍ୟ ରହିଥିବା ଜଣାପଡିଛି। ତାଙ୍କର ଏହି ସେବା କାର୍ଯ୍ୟର ସମୟ ଅବଧି ସରି ଯିବା ପରେ ସେ ରାଜସ୍ଥାନ ଯୋଧପୁରରୁ ଅବସର ଗ୍ରହଣ ପରେ ପ୍ରତ୍ୟାବର୍ତ୍ତନ କରିଛନ୍ତି ।
ଏହି ଅବସରରେ ଗ୍ରାମବାସୀ ତାଙ୍କୁ ବିପୁଳ ସମ୍ବର୍ଦ୍ଧନା ଦେଇଛନ୍ତି। ତାଙ୍କ ସହ କାର୍ୟ୍ୟରତ ଥିବା ଦୁଇ ଜଣ ଯଵାନ ବରୁଣ ଭୋଇ ଓ ଗଣେଶ ନାଏକ ମଧ୍ୟ ତାଙ୍କ ସହ ଆସିଥିଲେ। ଏହି ଅବସରରେ ସେ ଗ୍ରାମର ଯୁବ ପିଢ଼ିକୁ ନିଜ ଦେଶର ସୁରକ୍ଷା ପାଇଁ ଆଗେଇ ଆସିବା ଆହ୍ବାନ ଦେଇଥିଲେ। ଆଗରୁ ଅବସର ନେଇଥିବା ମୁକେଶ ବଘାର ଯିଏ କି ତାଙ୍କରି ଗ୍ରାମରେ ଯୁବକମାନଙ୍କ ପାଇଁ ମାର୍ଗଦର୍ଶକ ସାଜିଛନ୍ତି, ଶ୍ରୀ ଶଙ୍ଖୁଆ ତାଙ୍କ ସହ ମିଶି ସେନା ବାହିନୀରେ ଯୋଗଦେବା ପାଇଁ ଏହି ଅଞ୍ଚଳରେ ଯୁବକମାନଙ୍କୁ ସଚେତନ କରିବେ ବୋଲି ପ୍ରକାଶ କରିଛନ୍ତି।
Comments are closed.