ରେଙ୍ଗାଲିକ୍ୟାମ୍ପ: ଶିକ୍ଷା ବିକାଶ ସମିତିଙ୍କ ଯୋଜନାରେ ପ୍ରାଦେଶିକ ସ୍ତରରେ ଶ୍ରୀ ଭାରତିକୃଷ୍ଣ ଗଣିତ ଓ ପ୍ରାଦେଶିକ ମେଧା ପରୀକ୍ଷାରେ ଅତାବିରା ସରସ୍ବତୀ ଶିଶୁ ବିଦ୍ୟା ମନ୍ଦିରର ତୃତୀୟ ଶ୍ରେଣୀର ଛାତ୍ରୀ ସୁଶ୍ରୀ ସଂସ୍କୃତି ବାଗ କୃତିତ୍ୱ ହାସଲ କରି ବିଦ୍ୟାଳୟ ତଥା ଅଞ୍ଚଳ ପାଇଁ ଗୌରବ ଆଣିଛନ୍ତି। ଉପରୋକ୍ତ ଦୁଇଟି ଯାକ ପରୀକ୍ଷାରେ ସେ ପ୍ରାନ୍ତରେ ଯଥାକ୍ରମେ ସପ୍ତମ ଓ ନବମ ସ୍ଥାନ ଅଧିକାର କରିଛନ୍ତି।
ଏଥିପାଇଁ ପଦମପୁର ରେ ଆୟୋଜିତ ପ୍ରଧାନ ଆଚାର୍ଯ୍ୟ ସମ୍ମିଳନୀ ରେ ତାଙ୍କୁ ପୁରସ୍କୃତ କରାଯାଇଛି। ପିତା ଶିବପ୍ରସାଦ ବାଗ ଓ ମାତା ବିକୁଲିବତି ବାଗ ନିଜ ଝିଅର ଏହି ସଫଳତା ପାଇଁ ଅତ୍ୟଧିକ ଗର୍ବ ଓ ଆନନ୍ଦ ପ୍ରକାଶ କରିଛନ୍ତି ।ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଯଯାତି କେଶରୀ ମିଶ୍ର ତଥା ବିଦ୍ୟାଳୟ ସମସ୍ତ ଗୁରୁଜୀ ଓ ଗୁରୁମା ଛାତ୍ରୀ ସଂସ୍କୃତି କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି। ଗ୍ରୀଷ୍ମ ଅବକାଶ ପରେ ବିଦ୍ୟାଳୟ ରେ ତାଙ୍କୁ ସମ୍ବର୍ଦ୍ଧିତ କରାଯିବ ବୋଲି ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ମିଶ୍ର ପ୍ରକାଶ କରିଛନ୍ତି।
Comments are closed.