ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ଅଧିନ ଜାଂଗେଡ ରାଜୀବସେବା କେନ୍ଦ୍ରଠାରେ ପଂଚାୟତସ୍ତରୀୟ ଶିଶୁ ସୁରକ୍ଷା କମିଟି ଗଠିତ ହୋଇଯାଇଛି। ଏହି ଅବସରରେ ସରପଞ୍ଚ ଭଗବତିଆ ସାହୁଙ୍କ ସଭାପତିତ୍ବରେ ଏକ ସଭା ଆୟୋଜିତ ହୋଇଥିଲା। ଏହି ସଭାରେ ମହିଳା ପରିଦର୍ଶିକା ମାନସିକ ପଟ୍ଟା ସଂପାଦିକା ଭାବରେ ଯୋଗ ଦେଇଥିଲେ। ଏଥିରେ ୨୪ ଜଣିଆ ଶିଶୁ ସୁରକ୍ଷା କମିଟି ଗଠନ କରାଯାଇଛି। ଏହି କମିଟିରେ ଓ୍ବାଡ ମେମ୍ବର, ସ୍କୁଲ ଶିକ୍ଷକ, ସ୍ବଂୟ ସହାୟକ ଗୋଷ୍ଠୀର ସଦସ୍ୟ, ଆଶା, ଅଂଗନବାଡି କର୍ମୀ, ଯୁବକ ସଂଘର ସଦସ୍ୟ, କିଶୋର, କିଶୋରୀମାନେ ସଦସ୍ୟ ଭାବେ ଅଛନ୍ତି। ଏହି କମିଟିର କାମ ହେଲା ଅଞ୍ଚଳର ଶିଶୁଙ୍କୁ ସୁରକ୍ଷା ପ୍ରଦାନ କରିବା, ଶିଶୁ ବିକ୍ରୀ, ଶିଶୁ ଚାଳଣା, ଶିଶୁ ଶ୍ରମିକ, ୧୮ ବର୍ଷରୁ କମ ବୟସରେ ବିବାହ ଆଦି ରୋକିବା।ଏହା ଉପରେ ଲୋକଙ୍କୁ ସଚେତନ କରିବା। ଶିଶୁ ମାନଙ୍କୁ ଶ୍ରମିକ ଭାବରେ କାର୍ଯ୍ୟରେ ଲଗାଇ ତାଙ୍କୁ କିଛି ପଇସା ଦେଇ ଅଧିକ କାମ ହାସଲ କରୁଛନ୍ତି। ସରଳ ଶିଶୁ ମାନେ ତାହା ବୁଝିପାରୁ ନାହାଁନ୍ତି। କିଛି ପଇସା ଲୋଭରେ ସେମାନେ ବିଦ୍ୟାଳୟର ପାଠପଢା ମଧ୍ୟ ଅଧାରୁ ଛାଡି ଦେଉଛନ୍ତି। ଏହି ଶିଶୁ ସୁରକ୍ଷା କମିଟି ଏହି ସବୁ ବିଷୟ ପ୍ରତି ବିଶେଷ ଧ୍ୟାନ ଦେଇ ଶିଶୁମାନେ ଯେମିତି ତାଙ୍କ ଭବିଷ୍ୟତ ସୁରକ୍ଷିତ କରି ଗଢି ତୋଳିବେ ସେ ପ୍ରତି ଦୃଷ୍ଟି ଦେବେ। ଏହି କମିଟିର ସମସ୍ତ ଲକ୍ଷ୍ୟ ପୂର୍ଣ୍ଣ କରିବାରେ ସମସ୍ତେ ପୂର୍ଣ୍ଣ ମାତ୍ରାରେ ସହଯୋଗ କରିବେ ବୋଲି ଦୃଢ଼ ନିଷ୍ପତ୍ତି ନେଇଥିଲେ।
Popular Categories
Previous article
Next article