ରେଙ୍ଗାଲି: ରେଙ୍ଗାଲି ବ୍ଳକ ଖିଣ୍ଡା ପଞ୍ଚାୟତର ବାବୁଖିଣ୍ଡା ଖେଳ ପଡିଆରେ ଚାଲିଥିବା ୬ଷ୍ଠ ତ୍ରିଦିବସିୟ ବୀର ସୁରେନ୍ଦ୍ର ସାଏ କପ୍ ଦିବା ରାତ୍ର କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ଉଦଯାପନି ସମାରୋହରେ ମୁଖ୍ୟ ଅତିଥି ଭାବରେ ବିଜେଡି ସମ୍ବଲପୁର ଜିଲା ଉପସଭାପତି କିରଣ ବେହେରା ଯୋଗଦେଇଥିବା ବେଲେ ସମ୍ମାନୀତ ଅତିଥି ଭାବେ ଯୋଗଦେଇଥିଲେ।
ଯୁବ ବିଜେଡି ଜୋନ ସଭାପତି ଦେବାଶିଷ ପରିଡା, ସମ୍ବଲପୁର ଛାତ୍ର ବିଜେଡ଼ି ସଭାପତି ଶୁଭ୍ରାଂଶୁ ପାଢି, ବିଜେଡି ରାଜ୍ୟ ପରିଷଦ ସଭ୍ୟ ଗାନ୍ଧି ବେହେରା,ରେଙ୍ଗାଲି ଛାତ୍ର ବିଜେଡି ସଭାପତି ବାବୁଲୁ ରାଉତ, ବିଜେଡ଼ି ଛାତ୍ର ରାଜ୍ୟ ସମ୍ପାଦକ ଅନମୋଲ ଦାସ, ବରିଷ୍ଠ ନେତା ମନବୋଧ ବିଶ୍ବାଳ, ଗୋପିରାମ ମେହେର ପ୍ରମୁଖ ଅତିଥି ଭାବରେ ଯୋଗଦାନ କରିଥିଲେ।
ଫାଇନାଲ ମ୍ୟାଚ୍ ରେମଜା ଓ ନୁଆଁଖିଣ୍ଡା ଦଳ ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ରେମଜା ଦଳ ୮ରନରେ ବିଜୟୀ ହୋଇଥିଲା। ବିଜେତା ଦଳକୁ ୩୦ ହଜାର ଟଙ୍କାସହ ଚମ୍ପିଆନ ଟ୍ରଫି ଓ ଉପବିଜେତା ଦଳକୁ ୧୮ ହଜାର ସହ ରନର୍ସ ଅପ ଟ୍ରଫି ପ୍ରଦାନ କରାଯାଇଥିଲା। ଖିଣ୍ଡା ଭିଏସଏସ କ୍ଲବର ସଭାପତି ଅଶୋକ ସେଠ, ସହଦେବ ରାଉତ, ରୋହିତ ରାଉତ, ବୋଲକର ରାଉତ, ରମାକାନ୍ତ ମାଲି ପ୍ରମୁଖ ସମସ୍ତ କ୍ଲବ ମେମ୍ବର ଓ ଗ୍ରାମବାସୀ ଉପସ୍ଥିତ ରହି ସହଯୋଗ କରିଥିଲେ।
Comments are closed.