ରେଙ୍ଗାଲି: ରେଙ୍ଗାଲି ବ୍ଳକ ଅଞ୍ଚଳରେ ଗତ କିଛିଦିନ ହେଲା ଲଗାଣ ତଥା ଅବିଶ୍ରାନ୍ତ ବର୍ଷା ଯୋଗୁଁ ବ୍ଳକର ଅନେକ ଗ୍ରାମରେ ଘର କାନ୍ଥ ଭାଙ୍ଗି ଲୋକେ କ୍ଷତିଗ୍ରସ୍ତ ହୋଇଥିବାର ଦେଖିବାକୁ ମିଳୁଛି । ଏପରିକି କେତେକ ପରିବାର ପଡୋଶୀ ଘରେ ଆଶ୍ରୟ ନେଇଥିବାର ମଧ୍ୟ ଜଣା ପଡିଛି । କିନାଲୋଇ ଗ୍ରାମ ପଞ୍ଚାୟତର କିରାବନ୍ଧ ଗ୍ରାମର ସେବତୀ ମିର୍ଦ୍ଧା ଏବଂ ବୁଧବାରି ମିର୍ଦ୍ଧାଙ୍କ ଘର ଲଗାଣ ବର୍ଷାରେ ଭାଙ୍ଗି ଯାଇଥିବା ବେଳେ ଘଣ୍ଟମାଲ ଗ୍ରାମ ର ଭିମସେନ ପୋଢଙ୍କ ଘର ମଧ୍ୟ ଭାଙ୍ଗିଯାଇଥିବାର ଜଣାପଡିଛି । ଠିକ୍ ସେହିପରି ଲଇଡା ଭୁୟାଁପଡାର ଦିବାକର ଧରେଇ ଏବଂ ରଙ୍ଗଟିକ୍ରା ଗ୍ରାମର ଘେନ ଧୁରୁଆ ନାମ୍ନୀ ଜନୈକ ମହିଳାଙ୍କ ଘର ଅବିଶ୍ରାନ୍ତ ବର୍ଷାରେ ଭଙ୍ଗି ଯାଇଛି । ରାଜସ୍ୱ ବିଭାଗ ପକ୍ଷରୁ କ୍ଷତିଗ୍ରସ୍ତ ପରିବାରକୁ ତାରପୋଳିନ୍ ଯୋଗାଇ ଦିଅଯାଇଥିବା ସୂଚନା ମିଳିଛି । ତେବେ ବର୍ଷା ଯୋଗୁ ଘର ଭାଙ୍ଗି ଯାଇ କ୍ଷତିଗ୍ରସ୍ତ ହୋଇଥିବା ପରିବାରକୁ ଆବାସ ଯୋଜନାରେ ଘର ଯୋଗାଇ ଦେବାକୁ ଦାବି ହେଉଛି । କିନାଲୋଇ ଏବଂ ଲଇଡା ପଞ୍ଚାୟତ ଭଲି ବ୍ଳକର ଅନ୍ୟ ପଞ୍ଚାୟତରେ ମଧ୍ୟ ଅବିଶ୍ରନ୍ତ ବର୍ଷା ଯୋଗୁଁ ଅନେକ ଘର କାନ୍ଥ ଭାଙ୍ଗି ଲୋକେ କ୍ଷତିଗ୍ରସ୍ତ ହୋଇଛନ୍ତି । ଏହାର ସର୍ଭେ କରାଯାଇ କ୍ଷତିଗ୍ରସ୍ତଙ୍କୁ ଆବଶ୍ୟକ ସହାୟତା ଏବଂ ଆବାସ ଯୋଜନାରେ ଘର ଯୋଗାଇଦେବାକୁ ଦାବି ହେଉଛି ।
Popular Categories
Previous article
Next article