ସମାଜ ପୋର୍ଟାଲ ଡେସ୍କ: କଟକ ନେତାଜୀ ନଗର ଘାଟକୂଳ ସ୍ଥିତ ଗୁଜୁରାଟୀ ବସ୍ତି ବାସିନ୍ଦା ଏବଂ ବୟାଳିଶି ମୌଜା ସ୍ଥିତ ଝିଙ୍କିରିଆ ସୁନାରୀ ମଜୁରିଆ ଏବଂ ବାସନ ବିକାଳୀ ବସ୍ତିରେ ଗୁଜ୍ଜର ଭାରତୀ ସୋସାଇଟି ଅଫ ଗୁଜୁରାଟୀ ମଜୁରିଆ ଏବଂ ଦୃଷ୍ଟି ପକ୍ଷରୁ ୮୫ଟି ପରିବାରକୁ କରୋନା ପ୍ରତିରୋଧ ରିଲିଫ ସାମଗ୍ରୀ ଯୋଗାଇ ଦିଆଯାଇଛି। ସ୍ଥାନୀୟ ମଧୁପାଟଣା ଏବଂ ସଦର ଥାନାଧିକାରୀମାନଙ୍କ ଉପସ୍ଥିତିରେ ଏହି ରିଲିଫ ସାମଗ୍ରୀ ବଣ୍ଟନ କାର୍ଯ୍ୟ କରାଯାଇଥିଲା।
ଗୁଜୁରାଟୀ ସମାଜ ପକ୍ଷରୁ ଦୀନେଶ ପାରେଖ, ମେହୁଲ ଭାଇ ମେହଟ୍ଟା, ନିଶିଥ ଗାନ୍ଧୀ, ଅଶ୍ୱନୀ ସୋନି, ରୁପେଶ ଯୋଶୀ ଓ ଦୃଷ୍ଟି ପକ୍ଷରୁ ଆଇନଜୀବୀ ତଥା ବିଶିଷ୍ଟ ସମାଜସେବୀ ପ୍ରଦୀପ ପଟ୍ଟନାୟକ ଏହି କାର୍ଯ୍ୟରେ ସହଯୋଗ କରିବା ସହ କରୋନା ସଂକ୍ରମଣରୁ ରକ୍ଷା ପାଇବା ନିମନ୍ତେ ସମସ୍ତ ପ୍ରକାର ଉତ୍ସବ ଓ ବନ୍ଧୁମିଳନ ଠାରୁ ଦୁରେଇ ରହିବା, ସାମାଜିକ ବ୍ୟବଧାନକୁ ମାନିବା ଏବଂ ପରିବେଶ ପରିସ୍କାର ପରିଚ୍ଛନ ରଖିବା ଉପରେ ଗୁରୁତ୍ୱ ଆରୋପ କରିଥିଲେ।
