ରେଢ଼ାଖୋଲ:ରେଢାଖୋଲ ଭୀମଭୋଇ ଛକ ନିକଟରେ ମର୍ମନ୍ତୁଦ ଦୁର୍ଘଟଣା ଘଟିଛି। ଟ୍ରକ୍ ଧକ୍କାରେ ଜଣେ ବ୍ୟବସାୟୀ ଗୁରୁତର ହୋଇଛନ୍ତି। ଗୁରୁତର ବ୍ୟବସାୟୀ ଜଣକ ରେଢ଼ାଖୋଲ ଡିମିରିକୁଦା ଗାଁର ସୁବାଷ ଖିଲାରୀ (୬୦) ବୋଲି ଜଣାପଡିଛି । ସେ ସାଇକେଲରେ ଯାଉଥିବାବେଳେ ଟ୍ରକ ତାଙ୍କୁ ଧକ୍କା ଦେଇଥିଲା। ଦୁର୍ଘଟଣାରେ ତାଙ୍କର ଉଭୟ ଗୋଡ଼ରେ ଗଭୀର ଆଘାତ ଲାଗି ସେ ଗୁରୁତର ହୋଇଛନ୍ତି। ତାଙ୍କୁ ଚିକିତ୍ସା ପାଇଁ ବୁର୍ଲା ବଡ଼ ଡାକ୍ତରଖାନା କୁ ସ୍ଥାନାନ୍ତର କରାଯାଇଛି।
ବୁଧବାର ସମାନ ସ୍ଥାନରେ ଏକ ପାଉଁଶ ବୋଝେଇ ଗାଡି ଧକ୍କାରେ ଜଣେ ବାବାଙ୍କର ମୃତ୍ୟୁ ଘଟିଥିଲା। ତେବେ ସହରରେ ବାରମ୍ବାର ଦୁର୍ଘଟଣା ଘଟିବା ଯୋଗୁଁ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି। ଉତ୍ତ୍ୟକ୍ତ ଲୋକେ ଉପଯୁକ୍ତ କାର୍ଯ୍ୟାନୁଷ୍ଠାନ ଦାବିରେ ୫୫ ନଂ ଜାତୀୟ ରାଜପଥ ଏବଂ ରାଞ୍ଚି-ବିଜୟୱାଡ଼ା ରାଜପଥକୁ ଭୀମ ଭୋଇ ଛକଠାରେ ଅବରୋଧ କରିଛନ୍ତି। ପୁଲିସ ଘଟଣାସ୍ଥଳରେ ପହଞ୍ଚି ଆନ୍ଦୋଳନକାରୀମାନଙ୍କୁ ବୁଝାସୁଝା କରୁଛି।
