ନୂଆଦିଲ୍ଲୀ: କେନ୍ଦ୍ର ସରକାର ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଗଭର୍ଣ୍ଣର ଶକ୍ତିକାନ୍ତ ଦାସଙ୍କର କାର୍ଯ୍ୟକାଳ ୩ ବର୍ଷ ପାଇଁ ବୃଦ୍ଧି କରିଛନ୍ତି । ଅନ୍ୟାଦେଶ ପର୍ଯ୍ୟନ୍ତ ତାଙ୍କୁ ଆରବିଆଇ ଗଭର୍ଣ୍ଣର ଭାବରେ ପୁନଃ ନିଯୁକ୍ତି ଦିଆଯାଇଥିବା ସରକାରୀ ବିଜ୍ଞପ୍ତିରେ କୁହାଯାଇଛି । ତାଙ୍କ କାର୍ଯ୍ୟକାଳ ବୃଦ୍ଧିକୁ ନିଯୁକ୍ତି କ୍ଷେତ୍ରରେ ଗଠିତ କ୍ୟାବିନେଟ କମିଟି ଗୁରୁବାର ଅନୁମୋଦନ କରିଛି । ସୂଚନାଯୋଗ୍ୟ ଯେ ଶ୍ରୀ ଦାସ ୨୦୧୮ ଡିସେମ୍ବରରେ ଆରବିଆଇ ଗଭର୍ଣ୍ଣର ଭାବେ ଦାୟିତ୍ୱ ଗ୍ରହଣ କରିଥିଲେ । ତାହା ପୂର୍ବରୁ ସେ କେନ୍ଦ୍ର ଅର୍ଥ ମନ୍ତ୍ରଣାଳୟର ଅର୍ଥନୈତିକ ବ୍ୟାପାର ବିଭାଗର ସଚିବ ଥିଲେ । କୋଭିଡ ମହାମାରୀର ଅର୍ଥନୀତି ଉପରେ ପଡିଥିବା ପ୍ରଭାବର ମୁକାବିଲା କରିବାକୁ ରିଜର୍ଭ ବ୍ୟାଙ୍କ ରେପୋ ରେଟ ରେକର୍ଡ ନିମ୍ନ ସ୍ତରକୁ ହ୍ରାସ କରିବା ସହିତ ଦେଶର ବ୍ୟାଙ୍କିଙ୍ଗ ବ୍ୟବସ୍ଥା ପାଇଁ ବିପୁଳ ନଗଦ ଅର୍ଥ ଉପଲବ୍ଧ କରାଇଛି । ସଂପ୍ରତି ଅର୍ଥନୀତିର ପୁନରୁଦ୍ଧାର ଘଟୁଥିôବା ପରିପ୍ରେକ୍ଷୀରେ ଅତ୍ୟନ୍ତ ଢିଲା ଛାଡି ଦିଆଯାଇଥିବା ଆର୍ଥିକ ନୀତିକୁ ପୁନର୍ବାର ପୂର୍ବାବସ୍ଥାକୁୂ ଫେରାଇ ଆଣିବା ଉଦ୍ୟମ ହେଉଛି । ସେଥିପାଇଁ ଆରବିଆଇର ନେତୃତ୍ୱରେ ସ୍ଥିରତା ବଜାୟ ରଖିବା ଆବଶ୍ୟକ ହୋଇଥିବାରୁ ଶ୍ରୀ ଦାସଙ୍କର କାର୍ଯ୍ୟକାଳ ବୃଦ୍ଧି କରାଯାଇଥିବା କୁହାଯାଉଛି । ତାଙ୍କ ନେତୃତ୍ୱରେ ଆରବିଆଇ ଆର୍ଥିକ ବଜାର ସହିତ ଅଧିକ ପ୍ରତ୍ୟକ୍ଷ ଭାବରେ ଜଡିତ ହୋଇଛି ଏବଂ ସେ ସମୁଦାୟ ବ୍ୟବସ୍ଥାରେ ସ୍ୱଚ୍ଛତା ବଜାୟ ରଖିବା ଏବଂ ସିଧାସଳଖ ସମ୍ପର୍କ ସ୍ଥାପନ ନିମନ୍ତେ ପ୍ରୟାସ ଜାରି ରଖିଛନ୍ତି ।
Popular Categories
Previous article
Next article