ଅବହେଳିତ ଶଙ୍ଖଯୋଡି ବନ୍ଧମୁଣ୍ଡାବାସୀ  

ରଣପୁରଗଡ: ନୟାଗଡ଼ ଜିଲ୍ଲା ରଣପୁର ବ୍ଳକର ସବୁଠାରୁ ଅବହେଳିତ ଆଦିବାସୀ ବହୁଳ ଗ୍ରାମ ପଞ୍ଚାୟତ ହେଉଛି ବନ୍ଧମୁଣ୍ଡା। ସ୍ୱାଧୀନତାର ୭୮ ବର୍ଷ ପରେ ମଧ୍ୟ ପାନୀୟଜଳ ଓ ବିଦ୍ୟୁତର ଲୁଚକାଳି ଖେଳ ଅଞ୍ଚଳବାସୀଙ୍କ ପାଇଁ କାଳ। ଶୁଦ୍ଧ ପାନୀୟଜଳ ପ୍ରକଳ୍ପ ଅଛି ହେଲେ ବିଦ୍ୟୁତର ଲୁଚକାଳି ଖେଳ ଯୋଗୁ ଚୁଆ ଗୋଳିଆ ପାଣି ଭରସା। ପାନୀୟଜଳ ଯୋଗାଣ ଯନ୍ତ୍ରୀ ବିଦ୍ୟୁତ ବିଭାଗକୁ ଦେ।ଷ ଦେଉଥିବା ବେଳେ ବିଦ୍ୟୁତ ବିଭାଗ ଯନ୍ତ୍ରୀ ପାନୀୟଜଳ ବିଭାଗ ଯନ୍ତ୍ରୀ ଉପରେ ଦେ।ଷ ଦେଉଛନ୍ତି। ଅପର ପକ୍ଷରେ ନିଷ୍ପେସିତ ହେଉଛନ୍ତି ଆଦିବାସୀ। ସେଭଳି ଦେଖିବାକୁ ମିଳୁଛି ଶଙ୍ଖଯୋଡି ଓ ବନ୍ଧମୁଣ୍ଡା ଗ୍ରାମରେ। ଏବେ ପ୍ରକଳ୍ପ ଅଛି କିନ୍ତୁ ତିନି ମାସ ହେଲା ପାନୀୟ ଜଳ ପ୍ରକଳ୍ପ କାର୍ଯ୍ୟ କରୁନି। ଲୋକମାନେ ଚୁଆ ପାଣିକୁ ପାନୀୟ ଜଳ ଭାବେ ବ୍ୟବହାର କରୁଛନ୍ତି। ଫଳରେ ବିଭିନ୍ନ ଦୁରାରେ।ଗ୍ୟ ବ୍ୟାଧିରେ ସଂକ୍ରମିତ ହେଉଛନ୍ତି। ପାନୀୟ ଜଳ ଯେ।ଗାଣ ଯନ୍ତ୍ରୀ ପ୍ରକାଶ ଚନ୍ଦ୍ର ମହାନ୍ତି କୁହନ୍ତି ପ୍ରକଳ୍ପକୁ ତିନି ଫେଜ୍ ବିଦ୍ୟୁତ ସଂଯୋଗ ବ୍ୟତିକ୍ରମ ହେଉଛି। ତେଣୁ ପ୍ରକଳ୍ପ କାର୍ଯ୍ୟ କରୁନାହିଁ। ଆମେ ଓ ଗ୍ରାମବାସୀ ବିଦ୍ୟୁତ ବିଭାଗକୁ ଅଭିଯୋଗ କରିଛୁ କିନ୍ତୁ ସେମାନେ ମରାମତି କରୁ ନାହାନ୍ତି। କିନ୍ତୁ ଟାଙ୍ଗୀ ବିଦ୍ୟୁତ ବିଭାଗ ଉପଖଣ୍ଡୀୟ ପରିଚାଳକ ଯନ୍ତ୍ରୀ ଅତିତ କୁମାର ମହାପାତ୍ର କୁହନ୍ତି ଆମ ବିଭାଗ ପାଖରେ କୈ।ଣସି ଅଭିଯୋଗ ନାହିଁ। ଖବର ପାଇଲୁ ତେଣୁ ଏବେ କର୍ମଚାରୀ ପଠାଇ କଣା ଅସୁବିଧା ଦେଖିବାକୁ ପଡିବ। ବିଭାଗୀୟ ଉଚ୍ଚ ଅଧିକାରୀ ସମସ୍ୟା ପ୍ରତି ଦୣଷ୍ଟିଦେଇ ପ୍ରକଳ୍ପକୁ ସଚଳ କରିବାକୁ ଅଞ୍ଚଳବାସୀ ଅନୁରୋଧ କରିଛନ୍ତି।