ହାଇଦ୍ରାବାଦ: ସ୍ୱରାଷ୍ଟ୍ର ମନ୍ତ୍ରୀ ରାଜନାଥ ସିଂ ହାଇଦ୍ରାବାଦରେ ଜାତୀୟ ତଦନ୍ତ ସଂସ୍ଥାର ନୂତନ କାର୍ଯ୍ୟାଳୟ ଉଦଘାଟନ କରିଛନ୍ତି। ଏହି ଅବସରରେ ସେ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆତଙ୍କବାଦର ମୂଳୋତ୍ପାଟନପାଇଁ ଏକ ଦୃଢ଼ ନିଷ୍ପତ୍ତି ନେଇଛନ୍ତି ଏବଂ ପାକ୍ ଅଧିକୃତ ଜମ୍ମୁ ଓ କାଶ୍ମୀରରେ ଥିବା ସନ୍ତ୍ରାସବାଦୀ ଶିବିର ଉପରେ ବିମାନ ଆକ୍ରମଣ ଏ ଦିଗରେ ଏକ ବୃହତ୍ ପଦକ୍ଷେପ। ସନ୍ତ୍ରାସବାଦ ବିରୋଧରେ ଭାରତର କାର୍ଯ୍ୟାନୁଷ୍ଠାନକୁ ସମଗ୍ର ବିଶ୍ୱ ସମର୍ଥନ କରୁଛି ଏବଂ ଆବୁଧାବିରେ ଚାଲିଥିବା ଇସ୍ଲାମୀୟ ସହଯୋଗ ସଙ୍ଗଠନ – ଓ.ଆଇ.ସି. ବୈଠକରେ ଭାରତକୁ ସମ୍ମାନିତ ଅତିଥି ଭାବେ ଆମନ୍ତ୍ରଣ କରାଯିବା ଆମପାଇଁ ଗୌରବର ବିଷୟ ବୋଲି ସେ କହିଛନ୍ତି। ତଦନ୍ତ ପ୍ରକ୍ରିୟାକୁ ସ୍ଵଛ ଓ ଉତ୍ତରଦାୟୀ କରିବା ସହ ଦୋଷୀ ସାବ୍ୟସ୍ତ କରିବା ହାରକୁ ଶତକଡ଼ା ୯୨ ଭାଗରୁ ଶତ ପ୍ରତିଶତ କରିବାପାଇଁ ସ୍ୱରାଷ୍ଟ୍ର ମନ୍ତ୍ରୀ ଜାତୀୟ ତଦନ୍ତ ସଂସ୍ଥାର ଅଧିକାରୀମାନଙ୍କୁ କହିଛନ୍ତି।
