ନୂଆଦିଲ୍ଲୀ : କଲକାତାର ପୂର୍ବତନ ପୁଲିସ କମିସନର ରାଜୀବ କୁମାର ଗିରଫଦାରୀକୁ ଏଡ଼ାଇବା ପାଇଁ ସୋମବାର ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି। ଜଷ୍ଟିସ ରଞ୍ଜନ ଗୋଗଇଙ୍କ ନେତୃତ୍ବାଧୀନ ଅବକାଶକାଳୀନ ପୀଠରେ ଜରୁରୀ ଆବେଦନ ମାଧ୍ୟମରେ ରାଜୀବଙ୍କ ଓକିଲ ଦର୍ଶାଇଛନ୍ତି ଯେ ପଶ୍ଚିମବଙ୍ଗରେ ଆଇନଜୀବୀଙ୍କ ଆନ୍ଦୋଳନ ଚାଲିଥିବାରୁ ଅଦାଲତ ବନ୍ଦ; ତେଣୁ ତାଙ୍କ ମହକିଲଙ୍କୁ ଅନିର୍ଦିଷ୍ଟ କାଳ ପର୍ଯ୍ୟନ୍ତ ସୁରକ୍ଷା ଯୋଗାଇ ଦିଆଯାଉ। ଶାରଦା ଚିଟ୍ଫଣ୍ଡ ମାମଲାରେ ରାଜୀବଙ୍କୁ ସିବିଆଇ ଗିରଫ କରିବା ଆଶଙ୍କା ରହିଛି। ପୂର୍ବରୁ ତାଙ୍କ ଗିରଫଦାରୀ ଉପରେ ସୁପ୍ରିମକୋର୍ଟ ଅଙ୍କୁଶ ଲଗାଇଥିଲେ ମଧ୍ୟ ଶୁକ୍ରବାର ଏହାକୁ ପ୍ରତ୍ୟାହାର କରି ନେଇଥିଲେ ଓ ଆଗୁଆ ଜାମିନ ଆବେଦନ ପାଇଁ ସପ୍ତାହେ ସମୟ ଦେଇଥିଲେ।
ସୁପ୍ରିମକୋର୍ଟରୁ ପୁନଃ ସୁରକ୍ଷା ଲୋଡ଼ିଲେ ରାଜୀବ କୁମାର
Popular Categories
Previous article
Next article