ପାଇଲଟ-ଗେହଲଟ ବିବାଦ: ଶୁଣାଣି ସୋମବାର, ଦୁଇ ପକ୍ଷର ୪ ଓକିଲଙ୍କ ଫି ଦିନକୁ ଦେଢ଼ କୋଟିରୁ ଅଧିକ

ଆଇନ ସମ୍ପର୍କରେ ଜ୍ଞାନ ରଖୁଥିବା ବ୍ୟକ୍ତିମାନଙ୍କ ସୂଚନା ଅନୁସାରେ ସାଲଭେ, ରୋହତଗୀ ଓ ସିଂଘଭୀଙ୍କର ଗୋଟିଏ ଗୋଟିଏ ଦିନର ଫି ୪୦ରୁ ୫୦ ଲକ୍ଷ ଟଙ୍କା । ସେହିପରି ରାଜସ୍ଥାନର ଆଟର୍ଣି ଜେନେରାଲ ଏମ.ଏସ୍.ସିଂଘଭୀ ମଧ୍ୟ ସ୍ବତନ୍ତ୍ର ମାମଲାଗୁଡ଼ିକରେ ଦିନକୁ ୧୧ରୁ ୧୫ ଲକ୍ଷ ଟଙ୍କା ଫି ନେଇଥଆନ୍ତି । ଅର୍ଥାତ୍ ୪ ଓକିଲଙ୍କ ପାଇଁ ପ୍ରତ୍ୟେକ ଦିନ ଦୁଇ ପକ୍ଷ ଅନ୍ୟୂନ ଦେଢ଼ କୋଟିରୁ ଅଧିକ ଟଙ୍କା ଫି ଦେଉଛନ୍ତି ।

ପାଇଲଟଙ୍କ ପକ୍ଷରୁ ଲଢ଼ୁଥିବା ହରିଶ ସାଲଭେ ଏବେ ଭାରତରେ ନାହାନ୍ତି । ସେ ଲଣ୍ଡନରୁ ଭିଡ଼ିଓ କନଫରେନ୍ସିଂ ଜରିଆରେ ତାଙ୍କର ପକ୍ଷ ରଖିବେ । ପୂର୍ବତନ ସଲିସିଟର ଜେନେରାଲ ପାକିସ୍ତାନ ଜେଲରେ ବନ୍ଦୀଥିବା ଭାରତୀୟ ନୌସେନାର ପୂର୍ବ ଅଧିକାରୀ କୁଳଭୂଷଣ ଯାଧବ ମାମଲାରେ ଭାରତ ସରକାରଙ୍କ ପକ୍ଷରୁ ଆନ୍ତର୍ଜାତିକ ଅଦାଲତରେ ପକ୍ଷ ରଖିଥିଲେ । ସେହିପରି ହିଟ୍ ଏଣ୍ଡ ରନ୍ ମାମଲାରେ ଚିତ୍ରତାରକା ସଲମନ ଖାଁଙ୍କୁ ବଞ୍ଚାଇବାରେ ସାଲଭେଙ୍କ ଭୂମିକା ଅତ୍ୟନ୍ତ ଗୁରୁତ୍ବପୂର୍ଣ୍ଣ ଥିଲା ।