ଭୁବନେଶ୍ୱର – ଓ୍ୱେଷ୍ଟର୍ଣ୍ଣ ଡିଷ୍ଟରବାନ୍ସ ଯୋଗୁଁ ଓଡିଶାରେ ଜାନୁଆରି ୭ ତାରିଖରୁ ବର୍ଷା ହେବ ବୋଲି ଭୁବନେଶ୍ୱର ସୋଆରେ ଥିବା ସେଣ୍ଟର ଫର ଏନଭରମେଣ୍ଟ ଆଣ୍ଡ କ୍ଲାଇମେଟ୍ ପକ୍ଷରୁ ପୂର୍ବାନୁମାନ କରାଯାଇଛି । ଏହାର ନିର୍ଦେଶକ ଶରତ ସାହୁଙ୍କ ଅନୁସାରେ ଜାନୁଆରୀ ୭ ତାରିଖରୁ ୧୪ ତାରିଖ ପର୍ଯ୍ୟନ୍ତ ରାଜ୍ୟରେ ବର୍ଷା ସମ୍ଭାବନା ରହିଛି । ୮ ଓ ୯ ଏବଂ ୧୩ରୁ ୧୪ ତାରିଖରେ ଅଳ୍ପ ପରିମାଣରେ ବର୍ଷା ସମ୍ଭାବନା ଥିବା ବେଳେ ୯ରୁ ୧୩ ତାରିଖ ମଧ୍ୟମରୁ ପ୍ରବଳ ବର୍ଷା ହୋଇପାରେ ।
ପଶ୍ଚିମ ଓଡ଼ିଶାରେ ବର୍ଷାର ପରିମାଣ ଅଧିକ ରହିବ । ୯ରୁ ୧୨ ତାରିଖ ମଧ୍ୟରେ ଏଠାରେ ଅଧିକ ବର୍ଷା ହେବାର ସମ୍ଭାବନା ରହିଛି । ଉତ୍ତର ଏବଂ ଉପକୂଳ ଓଡ଼ିଶାରେ ୧୦ ତାରିଖରୁ ୧୪ ତାରିଖ ମଧ୍ୟରେ ବର୍ଷା ପରିମାଣ ଅଧିକ ରହିବ ।
କେତକ ସ୍ଥାନରେ ଘଡଘଡ଼ି ସହ ବର୍ଷା ସମ୍ଭାବନା ରହିଛି । ସାଧାରଣତଃ ଶୀତଦିନେ ଓଡିଶାରେ କମ୍ ବର୍ଷା ହୋଇଥାଏ । ମାତ୍ର ପରିବେଶ ପରିବର୍ତ୍ତନ ସହ ବିଶ୍ୱତାପାୟନ ଯୋଗୁଁ ବର୍ଷା ଏବଂ ବାତ୍ୟାର ସମୟରେ ପରିବର୍ତ୍ତନ ହୋଇଛି । ଗତ ବର୍ଷ ଡିସେମ୍ବର ମାସରେ ରାଜ୍ୟରେ ବର୍ଷା ହୋଇଥିଲା । ଚଳିତ ବର୍ଷ ଜାନୁଆରୀର ଦ୍ୱିତୀୟ ସପ୍ତାହରେ ରାଜ୍ୟରେ ବର୍ଷା ହେବାର ସମ୍ଭାବନା ରହିଛି ।
Comments are closed.